Love Story

Dear Banat News,

Maayong adlaw sa tanang suki sa sikat kaayo nga mantalaan sa Sugbo, ang Banat News. Sa tinuod lang kusog kaayo ang Banat News dinhi sa Sibonga.

Ako diay si Chissa, 28 anyos ug naa ko’y uyab nga ginganlan og Ninz, pareho mi og edad.

Nagkaila mi sa akong uyab kay classmates pag-high school. Dili lang ko mosulti kun unsa nga school.

Nagkakita mi og balik sa among class reunion niadtong  December 2018.Tayming ra man  sad kaayo nga puros mi single niadtong higayona.

Sa usa ka resort sa Mactan, nag-reunion ang among batch. Sa pagpangaligo namo og dagat, nakabantay na gyud ko ni Ninz nga magsige og tan-aw nako.

Nagpatagad gyud si  Ninz kanako. Hangtud nakuha gyud niya ang akong atensyon.

Sa pagsige namo og istoryahanay, nagkalawom ang among topic ug bilib ko kay makasabay ra siya sa topic about life.

Nasundan og daghang date hangtud nga nagka-uyab gyud mi ni Ninz niadtong February 15, 2019.

Ako ra pud siya nga gisugot kay bright man gud siya, maka-talk siya og serious nga topic maong na-impress ko niya.

Misteryoso kaayo og kinabuhi si Ninz kay wala gyud niya gisulti ang tanan kalabot sa iyang kinabuhi niadtong dili pa mi uyab.

Tungod kay daghan siya og gitago nako mao na kini ang kanunay namo nga awayan. Pero masulbad ra pud kay dali ra man ko madala sa explanation.

Dili kuno malikayan nga duna siya’y matago kay basin daw mao kini ang mahimong rason nga magbuwag mi.

Sa dihang uyab na mi, diha ra nako nasayran nga duna na siya’y  duha ka anak apan buwag na sila sa babaye.

Grabe ang among away ato, ug pag-abot og pipila ka adlaw, nahibaw-an na pud nako nga napriso diay siya og usa ka  bulan niadtong 2017 tungod sa kasong estafa. Niana siya, part nana sa iyang past, busa dili na kini angayan hisgotan maong wala ra kaayo ko naglagot anang  bahina. Ang katapusan nako nga nahibaw-an niya mao ang story nga naka-uyab siya og bayot kaniadto. Wala ra pud ko gisapot kay lagi, sa una ra man to ug iyahang gisaad nako nga ako na gyud ang iyang forever. Wala lang daw siya mosulti sa akong mga past kay lagi, dili siya ganahan nga dili mahimutang ang akong huna-huna.

Request diay ko sa lyrics sa Just The Way You Are by Bruno Mars

Hi  Chissa! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News