Dear Tita Salie,
Hello! And I hope that you are fine and happy always.
By the way, I am a single mother, and my problem is about myself. I don’t know what to do, Tita Salie, ug wala pod ko masayod kun naunsa ko karon. Puno gyod ko sa kalibog, busa, mangayo ko sa imong panabang nga unta imo kong matabangan.
Duna man god koy suod nga usa ka tomboy. Tungod lagi kay suod dunay time nga magkauban mi ug nagpa-picture sila sa akong anak. Apan ambot ug ngano nga mura man og na-inlove ko sa tomboy, Tita Salie. Ganahan ko motan-aw niya ug ganahan kaayo ko motan-aw kaniya sa picture nga kauban sila sa akong anak. Nganong ingon man kini niini, Tita Salie? Palihog pasabta ko. Thank you very much and more power.
* * *
Good day,
Natural lamang kining bation sa usa ka inahan nga ganahan siya sa tawo nga nagpangga ug nagmahal sa iyang anak. Bisan kinsa pa kining tawhana kun magpakita kini og concern ngadto sa iyang anak ganahan gyod ta.
Ang buot nakong ipasabot nga ayaw una pagdali-dali ug ayaw una paghukom nga na-inlove ka sa tomboy. Because it does not mean nga kun ganahan ka sa tawo na-inlove na ka kaniya. Tingali kun maayo lang gyod siya kaninyo ug giubanan pa kini sa imong panginahanglan og kauban sa kinabuhi ug mao kini ang hinungdan nga medyo gaan ang imong kabubut-on ngadto kaniya.
Ipadayon lang ang inyong maayong relasyon ug ayaw kini hatagi og laing meaning ang iyang pagkamaayo kanimo kay mao ra unya kini ang mamahimo nimong problema. -- Tita Salie