Giputlan og tinai
Nagkahinabi ang duha ka katabang nga babaye sulod sa sakyanan sa ilang bag-ong amo. Nagsukad sila karong sayong kahaponon sa Carmen, ug dalhon sila sa Guadalupe, dakbayan sa Sugbo. Ang nagmaneho sa Toyota Corolla nga abuhon si Rudy nga bana ni Almira, nga maoy magdumala unya sa duha ka katabang.
Dako og gintang ang pangidaron sa duha ka katabang. Si Pina, 54 na ug usa na ka biyuda, taga baryo Baring. Si Mila, dalaga, 16 ang edad, taga baryo Cantumog. Bag-ong nakahuman og hayskul. Ug may ambisyon nga moeskuyla og kolehiyo magabii didto sa siyudad.Rekomendado ang duha ka katabang, ni Roger igsoon ni Almira, konsehal sa ilang lungsod. Si Pina mahimong katabang sa managtiayong Rudy-Almira. Si Mila mahimong katabang sa managtiayong Sonia-Jimmy, mag-atiman sa ilang anak nga si Fiona, naa na’s grade two. Si Sonia anak sa magtiayong Rudy-Almira. Ipon ra’g puyo ang gikanan, anak, umagad ug apo sa balay nga giabangan nila sa Guadalupe.
“Pila man diay mo ka book managsoon?†ni Pina ngadto’s iyang katupad sa too sulod sa sakyanan. Sa front seat tupad sa drayber, naglingkod si Almira. Sa ilang luyo, nagtuapd sila’s Pina ug Mila. Ilang mga bag sa sinina gibutang sa baggage compartment.
“Tulo ra ming managsoon. Ako ang kinamaguwangan†ni Mila.
“Pilay edad sa kinamanghuran?’ ni Pina. “Tres†ni Mila.
“Ah posible pa mamanghuran o madugangan pa mo?â€ni Pina
“Dili na Nang, uy. Gi-ligate naman si mama†ni Mila.
“Ah giputlan na diay’g tinai imong mama?†ni Pina nga gahalhal lang. Nagpaila lang gyud nga way grado. Pwerteng katawa ni Rudy, Almira ug Mila. Ang sabot tingale ni Pina sa tubal ligation o ligate, putlan og tinai.
“Ay la’g kasuko og kataw-an ka Pin, ha.Kay komedyante man sab ka’g hitsura†ni Rudy. “Way problema sir oy. Malipay hinoon ko’g kataw-an. Kay di sayon pagpakatawa og tawo†ni Pina. “Correct ka diyan†ni Almira. Ug nagkinataw-anay silang upat. Para sa managtiayon, maayo ang katabang nga inosentihon. Dali rang madisiplina ug dali rang makapakatawa. (Katapusan)
- Latest
