Para mahalon tan-awon ang sinina
Mahalon ang mga designer clothes. Nindot ning pagkabuhat, de kalidad, labi na ang panapton. Pero lisod ning ma-afford sa ordinaryong tawo. So, diay tips gikan sa fashion experts kung unsaon nga mahimong mahalon tan-awon ang imong baratohon nga outfits.
1. Ilisi ang butones. Mailhan ang baratuhong mga blouses o sinina tungod sa klase sa butones nga gigamit. Palit og mahalong butones ug ipataod og tarong.
2. Ipa-alter para muhaom sa imong style ug figure. Pagamyan ang hawak kung medyo luag o pamub-an ang pencil skirt para mas muangay nimo.
3. Kung ang sinina dunay pakapin nga bakus, dako’g chance nga baratuhon sad ning klaseha. Ilisi ni og nindot nga bakus.
4. Pwede i-fake ang style pero dili ang panapton. Bisan nindot og porma, mailhan gyud ang baratuhong panapton. Likayan kung klaro kaayong synthetic. Hasta mga sobra ka sinaw nga butang, likayan pud.
5. Kay naka-save na sa sinina, palit og maayong klase sa sapatos. Gawas nga komportable, lig-on pa gyud. Matag babaye kinahanglan makatag-iya og at least usa ka nindot ug de kalidad nga bag ug bakus.
- Latest
- Trending
