Tukso

Gula 5

“Ingon ka Ador nga wala kay kasinatian pagromansa og babaye, nganong maayo ka man lagi kaayo modala’g pagilok?” matud ni Red Lips nga daw nakontento g’yud sa performance ni Ador.

Igo lang mipahiyom si Ador samtang naminaw sa kumentaryo sa dancer kaniya kay daw wala pa kaayo siya mahuwasi sa nag-abot nga ginhawa tungod sa paspas kaayo niya nga pagtungas niadtong bakilid atol sa ilang kumbati.

Alang kang Ador dili niya mahikalimtan kining gabhiona kay atol sa pagkadawat niya sa una niyang sweldo sa pagpanarbaho sa siyudad nabunyagan ang iyang pagka ulitawo.

Bisan human na ang ilang kumbati ibabaw sa taas nga lingkoranan sulod sa private room nga dunay hapin nga “foam”, wala gihapon sila magsul-ob pagbalik sa ilang sapot.

Walay hunong si Red Lips sa pagkumot-kumot sa bukton ni Junior. Hangtud nga inanay’ng gisanapan na usab sa kahinam si Ador. “Red Lips makabuang ka g’yuddd,” matud ni Ador nga mipahigda sa dancer sa taas nga lingkoranan.

Sa ikaduhang higayon namingaw ang private room. Daw gititi ni Ador ang iyang kahinam ngadto ni Red Lips. Alang kang Ador tukma gayud ang angga nga gigamit ni Red Lips kay lumoy kaayo ang iyang mga ngabil.

“Kalma lang Ador kay duna pay ugma…. Ayaw hutda ang imong kahinam kanako kay mapul-an ka unya,” nakamaneho pa si Red Lips sa pagpangomedya bisan og giatake na siya pag-ayo sa ulitawo.

Mipaspas na usab si Ador pagtungas sa bakilid. Nag-abot na usab ang iyang gininhawa.

 Apan kalit lang napawong ang music. Nadungog ni Ador ug Red Lips nga naghugangkol ang pultahan sa ubos. Nasabot nila nga ang sekreto nga pultahan paingon sa ilang nahimutangan maoy nalamba.

“Raid! Raid! Gi-raid ta sa CAIB! Pagbantay mo?” tingog sa usa ka babaye ang ilang nadungog gikan sa gawas. Paspas kaayo nga nag-ilis si Ador ug Red Lips sa ilang mga sapot.

Human sila makailis sa ilang tagsa-tagsa ka sapot, gisibog ni Ador ang taas nga bangko nga maoy gibabag nila sa pultahan aron dili kini maabli gikan sa gawas atol sa ilang kumbati.

Misiga ang suga. Gilili nila ug nakita nila nga daghang tawo nga nanulod, dunay mga kaubang photographers. “CAIB ni ha? Ablihi lang ninyo ang pultahan sa kwarto,” matud sa babaye nga nasabot ni Ador nga maoy lider sa grupo. (Sumpayan)