Ang simod sa itoy kun hikapon

Gihilam-os na lang nako ang tanang pagyubit sa among silingan, nga namana ako ni Lolo Pikto, nga madakin-as nalang gani kun makatunob og ihi sa kabaw?

 "Ayaw basihi ang akong pagkatiguwang na Oprit?" luhaan ang duha ka mata ni Lolo Pikto nga mihagawhaw kanako.

"Makita ra man unya ang katag ... sa mga tsismis sa atong mga silingan ning atong balangay sa Lantawan?"

Ang tinuod ... napugos lang gayod ako sa pagpamana ni Lolo Pikto, gumikan sa akong utang sa banko nga tagaliog, sa akong loan sa yuta nga gitarokan ko sa akong balay nga imbargohunon.

"Imo na kanang diskarte Nay Oprit nga mamana ka og tiguwang?" kausa nagkahinabi kami si Imak.

Sa akong hunahuna ... layo ray usa ka tuig namong panagtipon ning tiguwang kong mabana. Hilabihan gud ka hubakon ni Lolo Pikto. Namatay man gani kadto si anhing Igong, nga panagsa ra ubha sa panahon nga hutoyon? Si Lolo Pikto pa kaha nga matag higayon, mosaguysoy ang iyang hutoy?

Dili ikalalis nga way wa makaila kang Lolo Pikto, ning among dapit, gumikan sa pagkadako niya og basakan.

Kini misamot ang iyang pagka-daghan og salapi, kay dako man siya og pension nga madawat matag buwan, ilabi na nga beterano siya sa ika-duhang gubat sa kalibutan.

Tungang gabii ... human sa among kasal ni Lolo Pikto. Natulog na lang ako og timprano. Unsa man tuod ang akong dugayan sa pagkatulog, nga nahibawo man akong daan ... nga dili gayod makahimo ang akong bana nga tiguwang nga mopalami kanako? Maayo pang matulog?

Ambot unsang hitaboa ... nga samtang ako giduyan sa maanindot kong katulogon, may miduol man kanako dapit sa akong gihigdaan? Mi-brownout man gud ang sugang dagitabnon sa VECO ug ngitngit kaayo ang kinatibuk-an nga palibot sa akong gihigdaan.

"Higayon mo na kini Oprit ... sa paghukom kun makakaya ba ako sa akong pagkatiguwang?" dihay nagkanguhal nga hagawhaw nga akong nabatian.

Tingog ni Lolo Pikto. Nangandak uroy kun makakaya ba siya nga modigamo kanako? Wa ko lang siya tubaga, kay basin mosamot unya siya og kagara?

Katulahaw ... dihay iyang gipahikap kanako ug naunsa bang pagkaunsaa, nga hilabihan man kainit?

Nakahagawhaw ako sa hilom diin ako nagkanayon:

"Dili ang tanang simod sa itoy namugnaw kun hikapon!"

Hasta makapila ko kini balika og hagawhaw. (Kataposan)