Mark-John movie, madayon

Mahinayon ang dance movie nila ni Mark Herras ug John Pratts nga co-production venture sa Regal Entertainment ug GMA Network. Kini maoy gibutyag ni John ngadto sa PangMasa atol sa promo sa ilang bag-ong dance album ni Shaina Magdayao, Maja Salvador ug Rayver Cruz.

Matud ni John duna lay revision sa script ug sa labing dali nga panahon magsugod na ang ilang shooting.

Peace offering ni Cesar

Nagpadala og pongpong sa mga buwak si Cesar Montano sa GMA Network para mangayo og dispensa sa wala niya pagdayon sa Lupin, ang umaabot nga labing bag-ong soap drama nila ni Richard Gutierrez.

Nasayran nga nag-pictorial na si Cesar niadtong Biyernes alang sa "Lupin" apan wala na kini matiwas tungod kay gikuha na siya sa mga sinugo sa Malacanang ug diretso na sa iyang pagduso sa iyang kandidatura pagka senador.

Hangtud karon wala pa makakita ang GMA-7 og hulip ni Cesar hinungdan nga dunay mga tsika nga I-extend ang "Bakekang" nga gipaabot na untang mahuman karong March 31.

Uyab ni Jolens mag-TV host?

Unsa ka tinood ang balita nga dili na modayon og lansar isip kongresista sa Caloocan City ang uyab ni Jolina Magdangal nga si Bebong Munoz?

Ang tsika nga nasagap ni Manay Lolit Solis mao nga mas interesado si Bebong nga makabaton og TV career, hinungdan nga miingon ang beterano nga kolumnista nga pasado ang uyab ni Jolens sanglit maayo man kini og rehistro sa screen ug maayo pod mamaba.