Zanjoe namaligyag pirated discs

Nagkauban na sa usa ka episode sa "Nagmamahal Kapamilya" sa ABS-CBN sila si Zanjoe Marudo ug Toni Gonzaga kaniadto, apan matud sa nahauna nga hayan nakalimot na niini ang TV host.

Tug-an pa niya ngadto sa PangMasa iyang gipapirmahan ni Toni ang script sa maong episode tungod kay gibut-anan siya sa dalaga niadtong tungora.

Karon subling magkauban ang duruha alang sa launching movie ni Zanjoe diin sidewalk vendor nga namaligya og pirated dics ang iyang role.

Polis usab si Toni kauban ni Sam Milby nga maoy nakadakop niya, ug gihangyo niya pag-abot nila sa presinto nga buhian siya.

Mapasalamaton si Zanjoe sa ilang direktor nga si Cathy Garica Molina sanglit gisuportahan siya og maayo sa iyang mga eksena.

"You Got Me" ang title sa maong movie ug opening scene ang pagdakop ni Toni kang Zanjoe.