Robin nangu-nay ni Angel…

Anaa ni Angel Locsin ang atensyon karon ni Bad Boy Robin Padilla human sa malampuson nilang panag-uban ni Asia's Songbird, Regine Velasquez sa pelikula'ng "Till I Met You" sa GMA Films.

Nasayran sa PangMasa nga sunod semana na magsugod og taping sila si Robin ug Angel para sa una'ng drama/adventure series nila sa GMA-7, ang "Asian Adventures."

Sa milabay nga semana, nahisgutan na ang pagsugod og training ni Angel og Muay Thai nga iyang gikinahanglan sa mga stunts nga pagabuhaton sa maong show.

Apan sugod niadto'ng Miyerkules, aduna nay special nga nag-supervise sa Muay Thai training ni Angel, ug kini ang iyang bag-ong leading man, si Robin.

First time nilang mag-meet sa PSC (gitawag og Ultra niadto) ug midayeg gyud si Robin sa kakugi ni Angel sa pag-training. Tuod man, aduna unta'y kaugalingon nga instructor si Angel apan sa dihang nakighinabi si Robin sa writer nga si Don Michael Perez ug nahibaw-an niya nga lisod ang mga stunts nga buhaton sa nauna, mga stunts nga wala pa nahimo niini sa mga telefantasiya niya.

New Viva Hot Men gipaila

Gipaila-ila sa Viva Video karon ang bag-ong grupo sa mga hunks nga miilis sa una'ng batch sa Viva Hot Men, napulu sila'ng tanan nga makita sa bag-o nilang video nga "Provoq: Ten Most Provocative Men in Their Most Private Moments."

Kini gilangkuban nila ni Niko Arellano, Dennis Mc Irvin, Raymund Lim, Anthony Logan, John Miller, Josh Ivan Morales, Chester Nolledo, Gabz del Rosario, Johnron Tanada ug Justin de Leon.

Ang insik nga si Raymond nga adunay barog nga 6'2" ug gi-manage sa aktor nga si Emil Sandoval, mibutyag sa PangMasa nga ang nauna niyang pag-appear sa usa ka daring kaayo nga video wala mahibaw-i sa iyang parents ingon man sa iyang girlfriend.

Ang nahibaw-an lang sa iyang pamilya ug uyab, nag-model lang siya tungod kay usa siya niadto sa mga model sa Bench Fever nga gipasundayag sa Araneta Coliseum.

Dugang pa niya, dili na niya gusto nga isipon pa kadto kay unsa na lang kaha ang mahitabo kung mahibaw-an sa iyang pamilya. Mihunong man gani siya og pagtungha kay gusto gyud siya mag-artista ug iya gi-enjoy ang tanang nahitabo niya karon. Excited na usab siya sa pag-promote sa ilang video nga i-launch na karong Sabado sa Government Bar sa Makati City ug sa "SOP" sa GMA-7 karong Domingo.

Jolina "super lagare"

Gi-teksan sa PangMasa si Jolina Magdangal kagahapon ug gipangutana kung kumusta na sila. Gikomedyahan pa sa PangMasa si Jolens nga ma-busy gyud siya sa iyang pagbalik diri sa nasud human sa iyang sunod-sunod nga show sa Europe uban ni Rico J. Puno tungod kay musunod na dayon ang 2007 elections.

Mao kini ang tubag ni Jolina: "Hi, Tita, nasa Vienna po kami ngayon, kanina iyong show. Tapos na po sa Amsterdam…bukas lipad na po kami ng London, tapos Milan. Pagbalik ko, malamang siksik ang schedule, may "Hoooo U" book 2, "Starstruck" and ikot sa Caloocan with Bebong. Mayroon pa akong "SOP," "Unang Hirit" at "Working President." Puspusan na 'to! Thank you, tita!"