Marvin nadutlag balik ni Jolens?

Super sweet sila si Marvin Agustin ug Jolina Magdangal sa set sa ilang soap nga "I Luv New York," busa wala malikayi nga mahatagan og malisya sa mga nakakita.

"Siyempre, magkaibigan naman kami, eh. Di ba, pag magkaibigan, sweet din naman? 'Yun nga lang, walang malisya," pong pa ni Marvin ngadto sa PangMasa atol sa presscon sa "Oh My Ghost" under OctoArts Films.

Matud pa ni Marvin, hayan gimingaw lang sila sa usag usa ni Jolens hinungdan nga nagpahimos sila sa nausik nga mga higayon. "Pero alam ko namang may Bebong na siya, kaya alam ko kung saan ako nakalugar. Pangit naman na ligawan ko 'yung tao eh may boyfriend na," pagtin-aw ni Marvin.

Miingon si Marvin nga kon wala lay uyab karon si Jolens hayan nanguyab siya og balik niini, total gihigugma man gayud niya ang dalaga kaniadto.

Apan miingon siya nga dili na kini mahitabo kay siya mismo, malipayon na uban sa duha niya ka anak nga kaluha bisan tuod og wala usab sila magkadayon sa inahan sa mga bata nga si Tetet Dy.

"May mga kanya-kanya pa kasi kaming priorities sa buhay, siya rin, marami pa siyang gustong gawin. Pero maganda naman ang relationship namin ngayon. Almost everyday, nagkikita kami dahil nga sa aming anak."

Nasayran sa PangMasa nga dunay ka-date -date karon si Marvin nga non-showbiz girl apan nagdumili pa siya pagdetalye kalabot sa maong babaye tungod pong pa niya wala pa silay serious commitment.

Samtang sa August 16 na ang showing sa "OH My Ghost" usa ka horror-comedy film kauban sila si Rufa Mae Quinto, Paolo Contis, Carlos Agassi, Uma Khouney, Sugar Mercado ug Jose Manalo sa direksyon ni Tony Y. Reyes.

Kris ug Claudine nagpa-uraray

Kasamtangan karong nagpahayahay didto sa Los Angeles California sila si Kris Aquino ug Claudine Barretto, of course kauban sa ilang mga bana nga sila si James Yap at Raymart Santiago.

Sa gibalita na dinhi sa Banat Hugyaw, atua sila karon sa LA alang sa world premiere sa pelikulang "Sukob" sa Orpheum Theater. Ang tsika nga nasagap sa PangMasa mao nga naghinam-hinam na ang mga Pinoy didto nga makita sila si Kris ug Claudine hinungdan nga sold-out na ang tickets alang sa screening.

Mauwahi og pauli sila si Kris ug James dinhi sa Pilipinas tungod kay ipadayon pa nila ang ilang bakasyon nga maisip usab nga honeymoon nila for the nth time.

Hinoon walay gibiyaan nga trabaho dinhi si Kris sanglit nag-advance taping na siyang daan sa iyang game shows nga "Kapamilya Deal or No Deal," ug Pilipinas Game Ka Na Ba.