Diana ug Alfred, 'MU'

Hingpit na nga giangkon ni Diana Zubiri nga duna silay "mutual understanding" ni Alfred Vargas kaniadto samtang gihimo pa nila ang pantaseryeng "Encantadia" sa GMA-7.

Tsika ni Diana ngadto sa PangMasa nga wala gani silay klaro nga break-up ni Alfred ug ila na lang gisabot nga wala na sila human nga wala na sila magkita after Encantadia.

"Hindi namin na-maintain 'yung magandang relationship namin pero okay naman kami ngayon at magkaibigan pa rin," say ni Diana.

Miingon si Diana nga nasakitan siya sa nahitabo apan karon naka move -on na siya. Gitin-aw niya nga dili si LJ Reyes ang hinungdan nganong nabugnaw sila ni Alfred sa usag-usa.

Apan karon nga duna silay bag-ong programa ni Alfred sa GMA-7, wala malikayi nga gipangutana siya kon posibli ba nga mobalik ang espesyal nila nga pagsinabtanay. "Baka, siguro. Ayoko pong ako ang magsabi," bugtong tubag ni Diana.

Posibli, ingon si Alfred

"Why not?" Kini maoy tubag ni Alfred sa dihang gipangayoan og reaksyon. Tungod niini naglibog ang mga tigbalita unsay mahitabo kang LJ kon magkabalik sila ni Diana.

"Magkaibigan lang naman po kami ni LJ. Nasa getting to know each other stage kami at okay naman kami," pagtin-aw ni Alfred.

Pareho silang duha ni Diana nga dili na makahinumdon kon pila ka buwan sila sa maong "MU relationship." "But we're friends naman po ngayon. Ganu'n pa rin naman, 'yun nga lang, hindi lang talaga nag-prosper as expected," dugang pa ni Alfred.

Samtang gibalita ni Alfred nga mobalik siya sa "I Luv New York" isip si Sebastian nga maoy mabana ni Natalie (Jennylyn Mercado).

Diana, hapit malumos

Diriyot diay malumos kaniadto si Diana sa dihang eight years old pa lamang siya hinungdan nga nahimo siya nga hydrophobia. Dihang na-artista na siya dili problema ang pagsul-ob og swimsuit kon dili ang pag-ubog sa dagat maoy nahimo niyang dakong suliran.

Nasayran sa PangMasa nga karon nga magsugod na karong July 10 ang ilang show ni Alfred nga giuluhan og "Ang Pagbabago" sa GMA-7 matag alas kwatro kinse sa hapon, napugos si Diana nga magkat-on og langoy.

Si Angela Lozada maoy nag-train niya sa swimming balig duha ka semana ug ang mao niyang kalampusan pagbuntog sa iyang kahadlokan og dagat, ipakita sa pilot episode sa "Ang Pagbabago."