Lovelife ni Dawn colorful

Giangkon ni Dawn Zulueta sa interview kaniya sa Yes Magazine (May issue) nga labihan ka mabulokon ang iyang lovelife sa wala pa siya makasal ngadto sa iyang bana nga si Anton Lagdameo.

Nasayran sa PangMasa pinaagi sa maong interview nga nagkauyab sila si Dawn ug Richard Gomez human nakigbuwag ang naulahi kang Sharon Cuneta nga niadtong higayona buwag na usab kang Gabby Concepcion.

Sa dihang nagkauyab na sila ni Richard, mao pa lang usay pagbuwag nila ni Dawn ug Monsour del Rosario. Dihang nagkabuwag na sila ni Richard, labihan ang kaguol nga gibati ni Dawn hinungdan nga pipila siya ka buwan nga nagtanggong sa ilang balay.

Gitug-an usab niya nga daan na niya nga higala si Anton tungod kay kanunay na sila nga magkakuyog sa mga lakaw sanglit pareha ra sila og sirkulo sa mga higala.

Gani giangkon ni Dawn nga wala siya magdahum nga diha sa mga bukton ni Anton hikaplagan niya ang pagmahal nga hangtud sa hangtud na. Ai-ai mitago sa Amerika?

Milarga na si Ai-ai delas Alas paingon sa Amerika niadtong Martes busa wala na niya matubag ang taho nga nagpakasal na siya ngadto sa iyang batan-ong uyab nga badminton instructor. Siya dunay US Concert Tour kauban sila si Regine Velasquez, Ogie Alcasid og daghan pa.

Nasayran sa PangMasa nga daghan na kaayog sumpay ang unang migawas nga taho, ang labing uwahi mao nga si Senador Bong Revilla ang mibarog isip maninoy.

Apan miingon ang beterana nga kolumnista sa PangMasa nga si Lolit Solis nga dili kini tinood tungod kay katapusan nga nagkita sila si Ai-ai ug Bong niadtong Sabado sa buntag alang sa shooting sa ilang pelikula.

Ug ang taho nga migawas mao nga niadtong Domingo, May 7 nagpakasal si Ai-ai ug ang iyang uyab nga si Wilfredo Hinahon,Jr. sa Calatagan, Batangas ug si Mayor Oliver Palacio ang nag-conduct sa nahisgutan nga civil wedding.

Pong pa ni Lolit, kiver (as in malay ko at pakialam ko) sanglit alang niya dili na bag-o ang drama nga kaslon ang artista sa mas batan-on pa kay nila sama na lamang sa nahitabo kanila ni Kris Aquino ug James Yap ingon man nila ni Snooky Serna ug Niño Mendoza.