Ethel ug Alex, nagpatagad ra?

Duol ra sa gi-istaran nga cottage sa mga tinubdan sa PangMasa didto sa Boracay ang gipuy-an usab nila ni Ethel Booba ug Alex Crisano busa detalyado ang istorya giunsa pag-eskandalo sa duruha niadtong Sabado de Gloria sa kadlawon.

Una niini, naglibog ang mga tinubdan sa PangMasa tungod kay matud pa hilabihan ka loving sa duruha, gani dihay mga higayon nga gisapwang pa ni Alex si Ethel human sila nagginukdanay sa baybayon.

Nagkanayon ang mga himantayon nga posibling gimik ra gyud ang tanan tungod kay nianang pagka- Sabado sa kadlawon naglanog lanog ang mga bastos nga pulong sa cottage nga gipuy-an sa duruha.

Matud pa wala magpa-alkanse si Ethel sa pagyamyam og mga bastos nga pulong batok ni Alex nga niadtong higayona matud pa, daw makina ang baba sa pagbuhi og mga malaw-ay usab nga pulong.

"Pareho silang bastos! Napakarumi pala ng bibig ng mga taong yun, grabe silang magmurahan!" pong pa sa usa ka tinubdan sa PangMasa.

Dangtan og pila ka gutlo, lagubo na ang mabati gikan sa cottage nga giistaran sa duruha,mga butang nga nahagbong ug nabungkag.

Wala magdugay nakita si Ethel nga milugwa gikan sa ilang cottage ug midagan paingon sa police station nga nahimutang duol ra sa ilang giistaran.

Misunod usab si Alex, nga nakita sa tinubdan nga nagkadugo ang biste, ug wala gihapoy puas pagbinastos ang baba.

"Pareho silang lasing na lasing, parang walang tao sa paligid nila, sobrang lakas ng mga pagmumurahan nila! Si Ethel, ang bastos-bastos ng bibig, si Alex naman, walang respeto sa babae, ang babastos talaga nilang dalawa!" dugang yawyaw sa tinubdan.

Nasayran gikan sa mga kauban nilang Ethel ug Alex nga, gituyo sa naulahi pagpakong ang iyang ulo sa ngilit sa lamesa, ug matud pa kanunay na kining buhaton ni Alex sa higayon nga mahubog siya.

"Puro dugo ang t-shirt niya, para siyang higanteng tumatakbo habang duguan, kadiri ang dalawang yun! Minsan, makikita mo silang landian nang landian, kinakarga pa nga siya ni Alex, tapos, makikita mo na lang silang nag-aaway!" dugang pa sa tinubdan.

Makalibog

Naglibog og maayo ang tinubdan sa PangMasa tungod kay makadaghan na nga gipasiatab sa duruha nga hagbay ra silang nagbuwag apan nag-uban diay didto sa Boracay.

Ang makabuang pa tan-awon, matud sa tinubdan nga human ang duruha magbinayloay og bastos nga mga pulong atubangan sa mga pulis, sila ra usab ang nagdungan og balik paingon sa ilang cottage nga murag walay nahitabo nga gubot.

Apan samot nga makapabuang ug makalibog mao ni, "Nung hapon na, magkasama na naman sila na parang walang naganap! True, as if nothing happened, talaga palang mga sira ang ulo ng dalawang yun!" nagkinataw-anay nalang gumikan sa kalibog ang mga tinubdan sa PangMasa.