Pops, dili buot mahimong inahan

Mikatap karon ang taho nga gitanyag diay ngadto kang Concert Queen Pops Fernandez ang role isip inahan ni Richard Gutierrez alang sa Captain Barbell.

Apan ang tsika sa PangMasa mao nga gibalibaran ni Pops ang maong tanyag sanglit dili niini mada ang taping schedules tungod kay gikatakda nga molupad siya paingon sa Amerika alang sa usa ka concert tour nga mahitabo karon Hunyo ug Hulyo.

Dungan niini, dunay dugang tsika ang tinubdan sa PangMasa nga nagkanayon nga ang laing rason nganong wala dawata ni Pops ang maong role mao nga dili pa siya andam nga modala sa papel sa usa ka inahan human sa Twin Hearts kaniadto diin siya maoy mama ni Tanya Garcia.

"Hindi raw muna feel ni Pops ang mag-mother role muna. Hindi naman daw niya tinanggihan si Richard Gutierrez kundi 'yung role. Kasi kung ang papel ay ate ni Richard, okey lang. Pero hindi raw muna ang pagiging mother," pong pa sa tinubdan.

Pwes, ang tinubdan nga labihan ka balhiboon ang baba nakahunahuna na hinoon nga posibling ang tinood nga hinungdan sa pagbalibad ni Pops mao ang relasyon niya ngadto kang Jomari Yllana.

Midugang ang tinubdan nga hayan nahunahuna ni Pops nga lain tan-awon tungod kay basin og mogawas hinoon nga mura na gyud siya og inahan ni Jomari.

Perteng lipaya

Labihan ang kalipay nga gibati karon ni Biboy Ramirez tungod kay sa kadaghang mga lalake nga artista sa GMA Artist Center, siya ang gipili aron maoy mamahimong leading man nila ni Rochelle Pangilinan ug Jopay Paquia.

Love triangle ang mahitabo nilang tulo alang sa 11th season sa Disisiete nga dunay titulo "Nasaan Ka" ug magsugod karong April 24.

"Feeling ko ang guwapu-guwapo ko," buhakhak niya. "Hindi ko rin alam na ganyan kalaki ang role kasi sinabihan lang ako. Siyempre hindi namin tatanggihan ang Daisy Siete kasi top-rater ito sa GMA-7. Tsaka matagal na rin akong walang soap drama. Heto na bale ang return ko sa mga soap dramas."

Samtang gikagubtan og maayo ang pagpose ni Biboy alang sa labing uwahi nga edition sa X-Ray Magazine diin matud pa labihan ka sexy sa mga nakuha nga hulagway.

Tsika sa PangMasa nga walay popanuko si Biboy nga nagpa-picture, lakang nga labihan ka dako og kalainan sa iyang wholesome image sa dihang gipaila siya sa youth oriented show nga "Click" kaniadto.

Hinuon miingon siya nga wala pa siyay nadawat nga indecent proposals human niya ibuwad ang iyang lawas sa nahisgutan nga magazine.

"Wala pa namang gano'n though may nababalitaan na ako," pong pa niya nga nag-ngisi. "May mga lumalapit at nagpapapirma at mismo roon pa sa pinaka-daring na kuha ko. Okey lang na may gano'ng attention. At least, may katuturan pala ang ginawa kong sexy poses sa X-Ray."

Pwes, diretso na ba gayud ang maong lakang paingon ngadto sa pagpa-sexy na unya niya sa iyang umaabot nga mga pelikula?

"Depende kasi wala namang masyadong movies ngayon, eh. Sa ngayon ang plano namin ng manager ko ay sa TV muna at sa drama ang pagtuunan ko. Kaya maganda ang pasok ng Daisy Siete kasi mahahasa ulit ako sa drama."