Isabel Granada operahan, hayan di na makaanak

Hayan dili na makaanak ang kanhi That's Entertainment member nga si Isabel Granada tungod sa gihambin niini nga ovarian cyst.

Karong adlawa gikatakda nga operahan si Isabel didto sa Angeles University Foundation Hospital sanglit matud pa nga wala na gyud matunaw sa mga tambal ang mao niya nga cyst.

Tungod niini nanawagan ang bana ni Isabel nga si Angeles City Coun. Jericho Aguas aron magmalampuson ang pagahimoon nga operasyon dungan usab sa panghinaot nga makaanak pa ang aktres aron masundan ang ilang kamaguwangan nga si Hubert Thomas.

* * *

Mapildi man o modaug si John Pratts sa Pinoy Big Brother labihan na kadaghan sa mga projects nga nagpaabot kaniya suma pa sa iyang manager nga si Arnold Vegafria.

Ang taho sa PangMasa mao nga gawas sa pelikula nga ato nang nataho dinhi sa Banat Hugyaw nga iyang pagahimoon unya ubos sa Regal Films with Joel Lamangan as director ubay ubay na usab ang naglinya nga guesting alang kang John.

Gawas pa niini, dunay gitakda nga teleserye ang ABS-CBN nga matud pa apil usab si John.

Ug dugang pa sa mga himantayon nga labaw pa nga nagpaabot sa paggawas na unya ni John mao ang iyang special someone nga si Nancy Castiglione.

* * *

Gikataw-an ni Viva artist Raymond Manalo ang taho nga gitangtang siya sa A.S.A.P. sa ABS-CBN tungod kay makaduha na kahigayon nga nayabag ang iyang tingog sa managlahi nga performance sa the Champions.

Matud niya dili tinood ang maong taho tungod kay never pa gyud siya nga nayabag, ang nahimo lang niya nga problema kaniadto mao ang pa-memorize sa lyrics.

"Yun lyrics lang ang problema kasi hindi mo rin alam kung saan ka papasok sa song."Though nagbibigay sila ng study tape, pagdating naman sa show, hindi mo alam kung what part ka papasok.

It's not true na nasintunado ako. Nakakahiya naman kung totoo 'yun, eh singer pa naman ako," pangatarungan pa ni Raymond ngadto sa PangMasa.

Matud niya sa pagkakaron busy siya sa mga provincial shows samtang sunod buwan apil siya sa usa ka show nga adto ipahigayon sa Canada kauban sila si Sarah Geronimo, Mark Bautista ug Rachelle Ann Go kinsa mga Viva artists usab.

"Mas concentrated ako sa mga shows outside of Manila. Kasi nga taga-Angeles, Pampanga pa ako and it's convenient for me kung sa neighboring provinces ang show. Pero nagkakaroon naman ako ng ilang gigs sa Manila paminsan-minsan," pong pa ni Raymond.