Sandara Park nagbasol na

Giangkon ni Sandara nga nagbasol na siya nganong wala siya maminaw sa mga tambag kaniadto nga dili maayo nga mobiya siya sa Pilipinas aron mutungha balig unom ka buwan didto sa Korea.

Kini tungod kay sa unom ka buwan nga pag-istar niya didto sa iyang yutang natawhan wala matuman ang iyang laraw nga mutungha ug labaw na nga wala siyay nahimong mga higala didto hinungdan nga dili na siya gusto nga mobalik pa sa Korea.

Ang nakapait kay sa iyang paghibalik dinhi sa nasud dili na siya sikat sanglit ang PBB na ang gikabuangan karon gawas pa nga napordoy siya gumikan sa mga utang sa iyang amahan nga wala mabayri.

Maoy hinungdan nga sa matag higayon nga dunay motulisok niya pag-ingon nga nabutaan siya sa silaw sa iyang kalampusan kaniadto tungod sa wala ug tuo nga endorsements ingon man shows, dili na lang motingog si Sandara.

"Umiyak ako nang pagbalik ko, sabi nila sa akin, wala ka na, nariyan na ang Pinoy Big Brother, sila na ang sikat ngayon," pong pa ni Sandara atol sa presscon sa bag-o niyang pelikula nga D Lucky Ones.

"Wala na rin akong ka-love team dahil pagbalik ko, wala na rin si Hero Angeles. Wala rin akong pera, kaya nga inamin ko na sa The Buzz iyong tungkol sa father ko. At least ngayon, maluwag na ang dibdib ko, hindi na rin siya itinatanong sa akin dahil wala na rin naman kaming alam sa kanya."

Nagpasalamat na lang si Sandara sanglit regular na usab siya karon sa labing bag-o nga gag-show sa ABS-CBN- "Gudtym" matag Biyernes sa gabii.

* * *

Dunay taho nga nadawat ang PangMasa nga nagpuyo na lamang karon sa barangay hall sa barangay Pinagan Quezon City ang kanhi sexy star nga si Janice Jurado.

Kini human siya gipalayas sa iyang giistaran nga apartment tungod kay napakyas siya pagbayad sa abangan.

Maoy hinungdan nga matud pa nagpanikad karon si Janice nga magpa-interview sa public service program sa GMA-7- ang "Wish Ko lang" sa pamasin nga mahatagan siya og financial aid sa host nga si Vicky Morales sama sa nadawat sa kanhi mga sexy stars nga karon nag-ilaid na usab sa kalisod.