Sama sila sa mga kabaw nga idaro apan wala kini nila igsapayan tungod sa panultihon nga "strike while the iron is hot"- importante mao nga duna silay trabaho bisan paman sa kahugot sa kompetisyon karon sa showbiz tungod sa kadaghang artista.
Busa busy man tinood apan pipila kanila nakakita og paagi aron lipayon ang ilang kaugalingon pinaagi sa pagpamalit og luhong mga sakyanan sa ingon makita nila ang bunga sa ilang kahago.
Nag-una sa listahan ang bida sa Sugo nga si Richard Gutierrez kinsa dunay bag-o karon nga sports car samtang ang iyang kontra sa nahisgutang pantaserye nga si Paolo Contis dunay bag-o nga Chrysler.
Si Paolo nga apil sa season nine sa Love to love nga magsugod na karong Domingo sa hapon sa GMA-7 susama og kotse kang Dingdong Dantes kinsa busy sa Encantadia og umaabot nga starstruck batch three nga magsugod na karong Lunes usab.
Atol sa usa ka taping sa Now and Forever-Agos didto sa Antipolo nahisama usab og exhibit sa mga mahalong sakyanan ang palibot starting with Sunshine Dizon' new Road Trek.
Sa unahan nag park usab ang bag-o nga van ni Tanya Garcia samtang dili laayo niini nahimutang ang bag-o usab nga SUV ni Pauleen Luna..
Wala magdugay dunay nagdangarang nga bag-o usab nga SUV gani wala pa kini plate number og sa dihang ninaog ang sakay niini human maka parking ang guapo nga si Polo Ravales ang nilugwa nga maoy nanag-iya.