Assunta de Rossi nagminaldita

Nagminaldita ang kanhi sexy star nga si Assunta de Rossi atol sa press conference alang sa soap nga Vietnam Rose nga gipahigayon sa usa ka restaurant didto sa kauluhan.

Suma pa nga daw nabukog ang movie press sa Manila tungod kay dihang gipangutana si Assunta kalabot sa iyang kontrata sa abs-cbn, misinta kuno kini pagtubag.

Nagkanayon kuno si Assunta nga dili siya angayan nga motubag tungod kay wala siya bayri sa Kapamilya network aron tubagon ang mga personal questions.

Nakahukom ang movie press nga kadto ang ipangutana kang Assunta tungod kay ning bag-o lang ang bana niini nga si kongresista Jules Ledesma namahayag nga mobiya na kuno ang iyang asawa sa abs-cbn tungod kay wala kini amomaha sa nahisgutang network.