'KK' gidugangan estorya

Okey lang para ni Pablo S. Gomez ang nagmugna sa karakter nga "Kampanerang Kuba" nga gipasalida na karon sa ABS-CBN nga gibutangan nila ni direktor Wenn Deramas ug Andoy Ranay og komedya ang estorya. Gidugangan man god sa mga direktor ang estorya sa KK aron mas mo-entertain pa gayod kini sa mga televiewers.

Si Pablo gihapon ang head of the writers pool ug maoy consultant sa produksiyon sa Kampanerang Kuba. Ang usa sa original cast nga nalakip sa KK karon mao si Edgar Mortiz nga midala sa papel sa usa ka pari. Si Edgar apil usab sa KK nga gibidahan kaniadto ni Vilma Santos.