11 ‘wanted’ sa Quezon, nalambat

CAMP NAKAR, Lucena City , Philippines – Matagumpay na naaresto ng Quezon Police Provincial Office (QPPO) ang 11 na wanted person sa magkakahiwalay na operasyon na isinagawa kamakalawa.

Ayon kay QPPO Director PCol. Romulo Albacea, naaresto ng Mauban Municipal Police Station (MPS) si alias “Aljhon” dahil sa kasong paglabag sa Section 10 (A) ng Republic Act 7610.

Samantala, inaresto ng Atimonan Municipal Police si alias “Pakyaw” na nahaharap sa kasong “Resistance and Disobedience to an Agent of a Person in Authority” habang sa bayan ng Calauag, naaresto si alias “Regino” sa kasong Acts of Lasciviousness.

Nadakip din ng Lucena Component City Police Station (LCCPS), katuwang ang 2nd Quezon Provincial Mobile Force Company (QPMFC), si alias “Jonathan”, isang provincial-level most wanted person, dahil sa paglabag sa Sections 5 at 11 ng RA 9165 o Comprehensive Dangerous Drugs Act of 2002.

Naaresto rin ng Jomalig Police, sa pakikipag-ugnayan sa Cardona Police si alias “Enrique” sa kasong Estafa, habang sa Lucban nadakip si alias “Erwin” sa paglabag sa National Internal Revenue Code (RA 8424).

Nadakip din ng Gen. Nakar Police ang si alias “Badong” sa kasong murder habang nalambat ng Mulanay MPS si alias “Ern” sa kasong Unlawful Possession of Firearm.

Naaresto naman ng Provincial Intelligence Unit (PIU), katuwang ang Provincial Drug Enforcement Unit (PDEU), San Antonio MPS, at 1st QPMFC, si alias “Chad”, isang regional-level most wanted person sa kasong 2-count ng Rape; at si alias “Ping” sa paglabag sa RA 10591 at Section 11 ng RA 9165.

Timbog din ng Polillo MPS, katuwang ang Atimonan MPS sina alias “Chris” at alias “Saniel” dahil sa kasong Theft.