Convenience store hinoldap, P16K natangay

MANILA, Philippines — Umaabot sa P16,000 cash ang natangay ng dalawang holdaper na nangholdap sa isang kilalang convenience store sa Brgy. Primera, Lumban Laguna, kamakalawa ng alas-3:00 ng madaling araw.

Sa ulat, pumasok ang dalawang suspek na kapwa nakasuot na jacket nagpanggap na kostumer.

Ilang sandali ay nagdeklara ng holdap sa 2 store crew na kinilala sa mga alyas na “Mark” at “Chariz” na kung saan ay kinuha ang mga pera sa cashier box at pagkatapos ay agad na tumakas.

Nagsagawa ng manhunt operation ang mga otoridad laban sa dalawang suspek na namukhaan batay sa kuha ng CCTV ng tindahan.