Giyera sa semis simula na

MANILA, Philippines — Maghaharap ang top seed Akari-Adamson  fourth seed Che’Lu Bar and Grill-San Sebastian habang magtatagpo rin ang second seed Marinerong Pilipino at  sixth seed  Zark’s Burger-Lyceum  ngayon sa Game 1 ng best-of-three semifinal series ng 2018 PBA D-League Aspirants’ Cup sa Pasig City Sports Center.

Haharapin ng Akari-Adamson ang Che’Lu Bar-San Sebastian sa alas-2 ng hapon makaraan ang  laro ng Marinerong Pilipino at Zark’s Burger-Lyceum  sa alas-12 ng tanghali.

“At the start of the season, if you told me that we’ll be up as the number one team, I’ll be thinking you’re just pulling my leg,” sabi ni Akari-Adamson coach Franz Pumaren.

Sa ipinakita nina Jerrick Ahanmisi, Sean Manganti at Jonathan Espeleta big­lang humarurot ang tropa ni Pumaren sa 9-2 standing sa pagtatapos ng elimination round.

Sa una nilang paghahamok, nilampaso ng Akari-Adamson Falcons ang Che’Lu Bar, 84-75 sa elimination round noong Pebrero 13.

Sa iba pang laro, paborito rin ang Merinerong Pilipino ni coach Koy Banal na magwagi kontra sa Zark’s Burger-Lyceum ni coach Topex Robinson bunga ng kanilang 94-92 panalo sa elimination round noong Enero 18.

“We just want to be ready. We have the expe­rience and we’ll see who’s really going to push themselves to the limit,” ayon kay Banal.