Malasakit Center loan sa Facebook, peke - DOH

MANILA, Philippines — Peke ang Facebook page na Malasakit Center loan program na ginagamit ngayon ng mga scammer sa social media.

“The Department of Health cautions the public against a Facebook page maliciously using the Malasakit Programs Office’s on false loan centers,” ayon sa DOH. 

Bukod sa pagtawag na peke, itinanggi ng DOH na may kaugnayan sa Malasakit program ang pag-aalok ng naturang loan.

“The said page is FAKE, and is not in any way or form affiliated with the Malasakit Center,” dagdag pa ng kagawaran.

Nabatid na halos kagagawa pa lamang ng naturang “Malasakit Center Loan Assistance” page sa Facebook at mayroon pa lamang 1,100 followers kahapon. Ginamit ng creators nito ang logo ng Malasakit Center at ang litrato ng Malasakit Center sa Cagayan Valley Medical Center bilang cover photo.

Sa isa nitong post, nag-aalok ang page ng hanggang P30,000 loan sa madali umanong paraan at mayroon lamang 1% interest rate.

Nagbanta ang DOH na mahaharap sa kasong kriminal ang mga nasa likod ng naturang pekeng Facebook page kung magpapatuloy ito.

“The DOH continues to enjoin the public to source information only from legitimate sources and platforms such as the health department,” dagdag pa ng DOH.