Gadon saludo sa Amnesty Proclamations ni Pangulong Marcos
MANILA, Philippines — Pinuri ni Presidential Adviser on Poverty Alleviation Secretary Larry Gadon si Pangulong Ferdinand Marcos, Jr. sa pag-iisyu nito ng mga Proclamations Orders na nag-aalay ng amnestiya sa mga miyembro ng mga rebolusyonaryong kilusan.
Ang mga Proclamation Nos. 403, 404, 405, at 406 ni Marcos para sa mga dating kasapi ng New People’s Army, Moro Islamic Liberation Front (MILF), Moro National Liberation Front (MNLF) at ng Rebolusyonaryong Partido ng Manggagawa ng Pilipinas/Revolutionary Proletarian Army/Alex Boncayao Brigade (RPMP-RPA-ABB) ay patunay na sinsero ito na makamit ang pagkakaisa, katarungan at kapayapaan tungo sa kaunlaran ng bansa.
Dagdag pa ni Gadon ang ‘amnesty’ na inilabas ni PBBM ay magsisilbi ring tulay hindi lamang sa kapayapaan sa bansa kundi pati sa pag-aangat ng antas ng kabuhayan ng maraming Filipino upang maialis sila sa kahirapan at kagutuman. Pinatunayan naman ito aniya ng survey na naglalahad na unti-unti nang nababawasan ang bilang ng mga nagugutom na mga Filipino nitong mga nagdaang mga buwan.
- Latest
