'Ilang ospital nalito?': DOH iimbestigahan unauthorized 2nd booster shots sa NCR
MANILA, Philippines — Sinisilip na ng Department of Health (DOH) ang ilang ulat ng mga nagpapaturok ng karagdagang booster shots laban sa COVID-19 na ibinibigay na raw sa Metro Manila sa mga healthcare workers at senior citizens kahit bawal pa.
Lunes kasi nang magsimula ang pagtuturok ng ikalawang "booster" shots laban sa COVID-19. Sa kabila nito, tanging mga "immunocompromised" pa lang ang pinapayagang makakuha nito sa ngayon.
"The Department of Health is looking into reports that a hospital in NCR has administered second boosters to frontline healthcare workers and senior citizens who are not immunocompromised (ICP)," ayon sa kagawaran ngayong Martes.
"Hospital management has explained that they unintentionally misinterpreted guidelines. The FDA-approved amended EUA states that senior citizens, front-line healthcare workers, and ICPs may be administered with a 2nd booster. The Health Technology Assessment Council (HTAC) has completed recommendations for ICPs. HTAC is still reviewing evidence for senior citizens and HCWs."
Ngayong buwan lang nang sabihin ng Food and Drug Administration na inamyendahan na ang emergency use authorization ng ilang COVID-19 vaccine brands para maibigay sa mga may comorbidity, manggagawang pangkalusugan at mga 60-anyos pataas. Sa kabila nito, uunahin daw muna ang pagbibigay nito sa mga immunocompromised.
Una nang sinabi ni Health Secretary Francisco Duque III na para muna sa mga may sumusunod na kondisyon ang second dose ng AstraZeneca, Moderna, Pfizer, Sinopharm at Sinovac:
- nakakuha ng organ transplant
- mga umiinom ng gamot para sa kanilang immunosuppressives
- pasyenteng may cancer
- HIV/AIDs patients
- taong may primary immunodeficiencies
- mga may kahinaan sa immune system
"The DOH and NVOC are currently coordinating with the relevant Health Care Facilities and Vaccination sites to prevent further instances of these events. The facilities in question have now since returned to administering boosters to ICPs only," patuloy ng DOH kanina.
"The DOH continues to encourage the eligible population to avail of the primary series of COVID-19 vaccines and the first booster shots, all proven to be safe and effective in protecting against the severe and critical symptoms brought by the virus." — James Relativo
- Latest
