Cha-Cha ‘di priority ng Senado
MANILA, Philippines — Hindi prayoridad ng Senado ang pag-amyen-da sa konstitusyon o Charter Change (Cha-Cha).
Sinabi ni Senate President Vicente Sotto, hindi kasama sa kanilang tata-lakayin sa pagbubukas ng sesyon sa Hulyo 27 ang Cha-Cha.
Subalit kung may iaakyat umano ang Kamara na panukalang batas tungkol sa Cha-Cha ay saka na nila ito pag-uusapan sa Senado.
Matatandaan na isinusulong ng League of Municipalities ang Cha-Cha at umano’y ieendorso ng DILG sa Kamara.
Nais ng mga mayor na maamyendahan ang konstitusyon para mabigyan sila ng national government ng mas malaking budget at mapayagan ang 100% foreign ownership sa pagnenegosyo na sa huli ay makakapagbigay ng mas maraming trabaho.
Para naman kay Se-nate Minority leader Franklin Drilon, kahit maganda ang intensyon sa Cha-Cha ay pagsasayang pa rin ito ng panahon para talakayin ngayon.
Giit ni Drilon, bakit sila magde-debate sa Cha-Cha ngayon kung makakahati sa bayan samantalang ang dapat na pinagtutuunan ay ang economic recovery mula sa COVID-19 pandemic.
Umaasa rin ang mino-rity leader na hindi makakasama ang Cha-Cha sa SONA ni Pangulong Duterte sa Lunes at sana ay ang pagtuunan sa talumpati ng Pangulo ay ang mga plano niya sa recovery ng bansa mula sa pandemic.
- Latest