‘Sideline’ ng Senate employee sisiyasatin ng CSC
MANILA, Philippines — Iniimbestigahan na ng Civil Service Commission (CSC) ang napabalitang pagbebenta ng empleyado ng Senado ng mga imported na damit, bags, sapatos at iba pang personal na mga accessories.
Idiniin ni Commissioner Attorney Aileen Lizada na mahigpit na ipinagbabawal ng panuntunan ng CSC ang pagbebenta ng kahit anong personal o pambahay na kagamitan, o gawing ‘tiangge’ sa anumang opisina o ahensiya ng gobyerno.
Ayon kay Lizada, mahalagang maging tapat sa pagtupad ng kanilang mga tungkulin ang mga kawani ng executive, legislative at judiciary kaya’t ipinagbabawal ang ‘sideline’ sa trabaho.
Nakipag-ugnayan na ang opisina ni Lizada sa regional director ng CSC-National Capital Region para imbestigahan at kastiguhin ang isang empleyado ng Senado na nahuli sa aktong nagbebenta ng mga damit sa oras ng trabaho.
- Latest
