Gina Lopez pumanaw

MANILA, Philippines — Pumanaw na kahapon ng alas-4:15 ng madaling-araw si anti-mining, environment activist at dating Environment Secretary Regina “Gina” Lopez sa edad na 65 anyos.

Bumigay ang katawan ni Lopez sa multiple organ failure sa Makati Medical Center makaraang makipag­laban sa sakit na brain cancer.

Itinalagang kalihim ng Department of Environment and Natural Resources Secretary si Lopez noong 2016 pero hindi siya tumagal sa panunungkulan dito dahil sa pagtanggi ng Commission on Appointment sa kanya noong 2017.

Bago siya napunta sa DENR, aktibo si Lopez sa iba’t-ibang civic work, naging yoga missionary, managing director ng ABS-CBN Foundation at nagtatag ng hotline na Bantay Bata 163.