Pagtanggal ng visa upon arrival para sa Chinese okay sa Palasyo
MANILA, Philippines — Pabor ang Malakanyang sa panukala ni Foreign Affairs Secretary Teodoro Locsin na alisin na ang ‘visa upon arrival’ na ibinibigay sa mga turistang Chinese national.
Ito ang ipinahayag kahapon ni Presidential Spokesman Salvador Panelo na nagpahiwatig na nababahala ang Malakanyang sa pagdagsa ng mga Chinese tourist sa bansa at ang pamamaraan ng pagpasok nila sa bansa.
“Worry mo di lang number kundi paano sila nakapapasok,” wika ni Panelo sa media briefing sa Malacañang kahapon.
Sinusuportahan ng Malacañang ang naging panukala ni Locsin na alisin ang ‘visa upon arrival’ sa mga dayuhang turista.
Kailangang suriin ang mga dayuhang pumapasok sa bansa, ayon kay Panelo. Kailangan anyang kumilos ang Immigration para matukong kung Intsik sila o hindi. “ Ang importante dyan, paano nakakapasok ang mga yan nang hindi nalalaman,” giit pa ng presidential spokesman.
- Latest