Oil price hike sa Mahal na Araw
MANILA, Philippines — Dagdag na kalbaryo ang sasalubong sa Mahal na Araw dahil sa inaasahang muling pagtaas sa presyo ng petrolyo sa bansa ngayong darating na linggo.
Sa pagtataya ng mga eksperto sa industriya ng enerhiya, inaasahang magtataas ng P.90 sentimos sa kada litro ng gasolina habang P.60 sentimos naman ang iaakyat sa diesel.
Sa kabila ng pagtatayang ito, mas mataas na halaga ang nakatakdang idagdag ng kumpanyang Pilipinas Shell na unang naglabas ng anunsyo sa fuel price hike.
Nasa P1.05 kada litro ang tataas sa kanilang gasolina, P.75 sa diesel at P.60 sa kerosene.
Wala pang anunsyo ang ibang kumpanya ngunit inaasahan na susunod rin at karaniwang ipinatutupad ng Martes ng umaga.
Mula noong 2015 ay palagiang nagkakaroon ng pagtataas sa presyo ng petrolyo tuwing magse-Semana Santa dahil sa pagtaas ng konsumo sa enerhiya dulot ng summer season.
- Latest
