Pagbuwag sa NFA kailangan ng batas
MANILA, Philippines — Kailangang may maipasang batas para mabuwag ang National Food Authority (NFA) at hindi ito maaaring gawin sa pamamagitan lamang ng Executive Order.
Ito ang sinabi kahapon ni Sen. Kiko Pangilinan sa gitna ng mga panukala na buwagin na ang NFA.
Kabilang si Pangilinan sa mga senador na naniniwalang dapat nang buwagin ang ahensiya dahil hindi naman nito nagagampanan ang trabaho.
“Kailangan ng batas (para buwagin).I-abolish na lang natin ’yan at kung ang gusto lang yong nag stockpile para meron tayong warehouse gawin na natin yon,” sabi ni Pangilinan.
Sinabi pa ni Pangilinan na ilang senador na rin ang naghain ng panukalang batas para buwagin ang NFA at kabilang siya sa mga susuporta rito.
Ipinunto rin ni Pangilinan na sa ngayon ay nababalot pa ng kontrobersiya ang NFA kung saan nag-aaway-away ang administrator at ang council.
- Latest