4 head revisors sa VP recount umatras
MANILA, Philippines — Umatras na ang apat na head revisor na kasama sa nangangasiwa sa manual recount ng kinukuwestiyong mga boto sa pagka-bise presidente noong May 9, 2016 elections.
Wala umanong dahilan na ibinigay kaugnay ng pag-atras o pagbibitiw ng apat na head revisor na kabilang sa namumuno sa 40 revision committee.
Ang head revisor ang kumakatawan sa Presidential Electoral Tribunal o PET sa nagaganap na manual recount.
Gayunman, tuluy-tuloy pa rin ang pag-usad ng manu-manong bilangan dahil may umupo namang alternatibong head revisor.
Ang manual recount ay sumasakop sa 5,418 clustered precinct mula Camarines Sur, Iloilo at Negros Oriental, ang tatlong pilot provinces na tinukoy ni dating Senador Bongbong Marcos sa kanyang electoral protest laban kay Vice Pres. Leni Robredo.
- Latest