Kaso ni Poe diringgin sa Setyembre 21
MANILA, Philippines – Itinakda ng Senate Electoral Tribunal na pinangunguluhan ni Supreme Court Associate Justice Antonio Carpio sa Setyembre 21sa session hall ng Mataas na Hukuman ang pagdinig sa kasong diskuwalipikasyon laban kay Senador Grace Poe na isinampa ng isang natalong kandidatong senador na si Rizalito David.
Hinihiling ni David na idiskuwalipika si Poe bilang miyembro ng Senado dahil sa isyu ng citizenship nito.
Gayunman, idaraos bukas, Setyembre 11, sa Supreme Court ang preliminary conference sa quo warranto case na inihain laban kay Poe sa SET.
Sinabi ni SEC Secretary Atty. Irene Guevarra na isasagawa ang preliminary conference bandang alas 10:00 ng umaga sa Supreme Court En Banc Conference Room at pangungunahan ito ni Carpio. Sa nasabing preliminary conference, tutukuyin ang magiging direksyon ng kaso at ang mga isyu na kailangang lutasin.
- Latest
