DOTC nagpasubasta sa IT provider ng LTO

MANILA, Philippines - Nagpasubasta kahapon sa isang maliit na function room sa isang 5-star hotel sa Quezon City ang Department of Transportation and Communication (DOTC) para sa P8.2 billion IT provider na gagamitin sa Land Transportation Office (LTO).

Ayon sa source, may P1 milyon halaga ang bid documents na bibilhin ng mga interesadong sasali sa bidding.

Maraming interesadong bidder na dumating sa ginawang pre-bidding conference pero ayon sa source isa pa lang umano ang bumili ng bidding documents.

Napag-alaman, sa May 16 ang final submission ng dokumento at gagawin umano ang subastahan sa Columbia Tower sa Mandaluyong City.

Sinabi ng source, ang Stradcom ang It provider ng LTO pero malamang sa mananalong bidder na ito ibibigay ng gobyerno.