Razon nanawagan ng hinahon

MANILA, Philippines - Nanawagan si dating Philippine National Police Chief Sonny Razon sa mga katunggali niya sa mayoralty election sa Maynila na sina Mayor Alfredo Lim at Lito Atienza na magpakahinahon at maggalangan sa isa’t isa sa halip na magpersonalan.

Idiniin ni Razon na ang away nina Lim at Atienza ay nagdadagdag sa tension sa mainit na kampanya sa halalan na pinalubha ng komprontasyon ng kani-kanilang mga tagasuporta.

Sinabi pa ni Razon na mas mapagsisilbihan ang mga botante ng Maynila kung pagtutuunan na lang ng pansin ng mga kandidatong alkalde sa Maynila ang pamamahala at kung paano higit na matutulungan ang mga residente ng lunsod.

Umiiwas din si Razon sa mga personal na pagbatikos sa kanyang mga kalaban.

Nakatutok lang si Razon sa kanyang mensahe para sa alternatibong pagbabago at participatory governance.