Magsasagawa nga yong Martes ng kilos-protesta sa Maynila ang mga magsasaka, non-government organization at simbahang Katoliko para igiit sa Kongreso ang pagpapatibay ng panukalang-batas na magpapalawig sa Comprehensive Agrarian Reform Program.
Ayon kay Honey Beso, Program Officer ng CBCP-National Secretariat for Social Action Justice and Peace, libu-libong magsasaka mula Sumilao-Bukidnon, Western Visayas, Bicol Region, Calatagan, Laguna, Bulacan at Pampanga ang magsasanib-pwersa upang ipakita ang kanilang hangarin na magkaroon ng sariling lupa na bubungkalin.
Sisimulan ang rally sa pamamagitan ng isang banal na misa sa Malate church bago magkakaroon ng vigil sa paanan ng Don Chino Roces bridge malapit sa Malacañang. (Mer Layson)