Paskong blackout nakaamba

Malungkot at madilim na Pasko ang nagba­ bad­ya sa buong Luzon, parti­kular sa Metro Manila, dahil sa napipintong black­out sanhi ng gagawing dec­ omissioning o pagtitigil ng daloy ng kuryente sa isang bahagi ng 230 kilovolt Sucat-Araneta-Balin­tawak transmission line.

Ito’y bunsod ng pag­katalo ng National Transmission Corporation (Trans­co) sa kasong isinampa ng mayayamang resi­ dente ng Dasmarinas Village sa Makati City upang tanggalin ang mahigit 3-kilometrong bahagi ng naturang power line na malapit sa kanilang exclusive subdivision.

Ayon kay Carlito Clau­dio, vice-president for   operations ng Transco, nirerespeto nila ang de­sisyon ng korte, ngunit naghahanda pa rin sila para iapela muli ito. Na­kalulungkot kasi aniya na ang desisyong ito ay po­sibleng magresulta ng rotating brownout sa mis­mong panahon ng Kapas­kuhan.

Ang brownout na maa­aring umatake mula alas-10 ng umaga hanggang alas-10 ng gabi ay pu­we­deng tumagal ng dalawa hanggang tatlong oras.

Wala kasi na ibang alternatibo ang gobyerno kundi ibaon o gawing underground ang naturang transmission line mula Lawton Avenue sa Fort Bo­nifacio patungong Pa­song Tamo Extension. Ang paglilipat na ito, kabi­lang ang acquisition ng right of way, ay magkaka­ha­l­aga umano ng P1.32 bil­lion na tiyak ipapasa sa mga consumers.

Bukod dito, ang gaga­ wing paglilipat ng linya ay tatagal umano ng dala­wang taon dahil hindi ani­ya ganoon kadali ang ga­ga­ wing konstruksiyon ng panibagong transmission line.

Partikular na tatamaan ang linyang nasa may lugar ng South Superhighway sa may gilid ng Fort Bonifacio at Dasmarinas Village. Ito umano ay kri­ti­kal na linya ng kuryenteng dinadaluyan ng genera-ted power mula sa mga power plants sa Southern Luzon, Visayas at Minda­nao.

Sa kasalukuyan, isang contingency plan na uma­no ang inihahanda ng Transco para sa napi­pin­tong decomissioning ng linya batay sa kautusan ni Judge Eugene Paras ng Makati RTC Branch 58.

Lumabas ang writ of exe­cution mula sa tang­gapan ni Judge Paras noong nakaraang buwan matapos katigan ng Korte Suprema ang petisyon ng mga Dasma residents laban sa Transco.

Una rito, nagreklamo ang mayayamang resi­dente ng Dasmarinas Village dahil sa umano’y pa­nganib sa kalusugan dulot ng sinasabi nilang electromagnetic radiation mula sa high voltage transmission line ng pamahalaan. (Butch Quejada)