Gapan-San Fernando-Olongapo fly-over pinasinayaan ni GMA

SAN FERNANDO CITY, Pampanga — Pinasinayaan ni Pangulong Arroyo ang bagong gawang Southbound lane ng Gapan-San Fernando-Olongapo fly-over sa Brgy. Dolores ng lungsod na ito na magpapaunlad sa socio-economic situation ng mga residente ng Zambales, Bataan at lalawigang ito.

Kasama ng Pangulo sa inagurasyon ng drive-thru flyover ceremony sina British Ambassador Peter Beckingham, DPWH Undersecretary Rafael Yabut, San Fernando Mayor Oscar Rodriguez, Dolores bgy. chairman Melchor Calauag at Ted Haresco na president at chairman ng Winace Holdings Inc.

Idinisenyo ang fly-over para mapaluwag ang trapiko sa Dolores junction at mabawasan ang oras ng pagbibiyahe ng mga motorista mula Metro Manila patungong Bataan at Zambales.

Pinasinayaan din ni PGMA ang P25 milyong set section ng 105-taong city public market sa barangay Sto. Rosario matapos dumalo ang chief executive sa Simbang Gabi sa San Fernando Metropolitan Cathedral. (Rudy Andal)