Maypa kamo na lang

CEBU, Philippines — Birthday greeting, apan suma pa sa followers ni Jennica Garcia nga nakabasa sa iyang mensahe ngadto sa iyang higala ug co-star sa umaabot nga ABS-CBN teleserye “Dirty Linen” nga si Christian Bables, gikilig sila, ug unta ang duruha na lang ang magka relasyon.

Gibatbat ni Jennica sa iyang birthday greeting alang kang Christian niadtong Martes, swerte kaayo siya nga aduna siyay higala nga nakaila kaayo niya, makahibawo dayon kun okay ba siya o dili inig kadungog niini sa iyang tingog. "Salamat Christian, XO (palayaw niya mula bata)... Kuntento na ko sa apat kong tunay na kaibigan sa buhay ko na mahal ako bilang ako at tanggap na hindi ako "normal" pero dumating ka. Ikaw yung isa sa mga tunay na nakaka alam kung yung ngiti ko totoo. Kung nagjo-joke ba ko kasi masaya ako o nagpapatawa ako kasi ubos na ko," tipik sa iyang post.

Dugang niya, “Salamat kasi pag tumawag ka, sinagot ko at banggitin ko pa lang pangalan mo... Simpleng, "Hello, Christian tol" alam mo na agad kung ano nararamdaman ko. Andun ka agad sa, "Asan ka? Pupuntahan kita." Hindi ko maintindihan paano mo alam. Hindi ko rin alam paano mo alam.”

Panghinaot ni Jennica nga moabot ang adlaw nga masuklian niya ang kaayo nga gipaambit ni Christian ngadto kaniya.

Nitubag si Christian sa maong post ni Jennica nga nagkanayon: Ayaw tumigil nung water sa mata ko (smile emoji) read pm my tol. Mahal na mahal kita.

Si Jennica, kasado ngadto kang Alwyn Uytingco diin aduna silay duha ka mga anak. Pero nagbulag na sila ug nagpabilin na lamang nga managhigala alang sa ilang mga anak.

PAKPAK or PALPAK

Palpak: Wala nakauyon ang netizens sa latest IG post ni Alexa Ilacad. Ang nahisgutan nag-upload og hulagway niya. Caption ni Alexa niini nagkanayon: Kung may problem aka saakin. GRABEE ang ganda naman ng problema mo. char. Wala nahimuot ang netizens niini gumikan kay nagkumpirma lamang matud pa kini sa yawyaw ni Tuesday Vargas nga may attitude ang nahisgutan kauban ang ka loveteam nga si KD Estrada. Nasayran nga sunod-sunod ang post ni Tuesday niadtong weekend kabahin sa young stars nga nakauban niya sa usa ka event diin wala gyud matud pa nitagad niya bisan pa og gitunol na niya ang iyang kamot aron unta makiglamano human siya nagpaila, apan gibaraw sa road manager sa young stars ang iyang kamot. Wala nganli ni Tuesday ang young stars apan ang nitizens nag-one plus one ug ang KDLex maoy ilang gitumbok sanglit may poster matud pa alang sa usa ka event diin naa ang mga hulagway sa KDlex ug ni Tuesday. Suma sa netizens, inay mag-sorry na lang, naggaragara pa gyud ang Alexa og post og ingon niini.

Pakpak: Daling nakatubag si Matet de Leon ngadto sa usa ka netizen nga nitawag niya’g laos. Matud sa netizen angayang magpasalamat si Matet ug mutan-aw og utang kabubut-on ngadto sa nagsagop kaniya. Nasayran nga medyo kontrobersyal si Matet karon human siya nireklamo nga gitraydor siya sa iyang inahan nga si Superstar Nora Aunor sa iyang negosyo nga gourmet. Pero tubag ni Matet ngadto sa netizen: Hindi po nalalaos ang supporting actors. Mga bida lang po. Labyu. Reaksyon sa netizens, lami ra pagkabaraw ni Matet ang commenter.

Pakpak: "The best gift I could ever ask for… my man.” Caption ni Pauleen Luna sa ilang hulagway sa iyang bana nga si Vic Sotto nga iyang gi-upload sa iyang IG account. Kasamtangang nagbakasyon ang mga nahisgutan sa Japan. Reaksyon sa netizens: cute, sweet, blessed couple.

Pakpak: Daghang nahimuot nga nakakita sa hulagway ni BB Gandanghari diin nakauban na niya ang iyang inahan nga si Eva Carino. Suma ni BB mismo, pito ka tuig nga wala siya nakauli dinhi sa Pilipinas. Karon nga nahibalik na siya sa nasud gikan sa Amerika, labihan matud pa ang iyang kalipay nga nakauban na niya ang iyang inahan. Suma sa netizens: heart-warming, ug merry Christmas. Maka happy ang mga hulagway nila ni BB ug Mommy Eva, kay dili sab gyud matud pa lalim ang pito ka tuig nga dili nimo makauban ang imong mahal sa kinabuhi.

Pakpak: Na sentimental ang pipila ka netizens nga nakakita sa mga hulagway nga gi-upload ni Joross Gamboa sa iyang IG account niadtong nilabay nga adlaw. Hulagway kini sa iyang mga ka batch sa Star Circle Quest niadtong 2004, nga maoy nahimong agianan niya aron mamahimong artista. Kuha kini didto sa Taal, diin makita sa hulagway kauban ni Joross sila si Hero Angeles, Michelle Madrigal, Neri Naig, Joseph Bitangcol ug Sandara Park. Si Hero maoy grand winner sa maong batch nga maoy first season sa SCQ.

"Dive in"

Alimuot ba? "Dive in", ingon sa Heaven Peralejo niining iyang hulagway nga kuha didto sa Boracay kagahapon.

“Mega Serye”

Kana maoy paghulagway sa GMA7 sa ilang umaabot nga teleserye nga mao ang Urduja. Usa kini ka action-adventure series nga bituonan nila ni Kylie Padilla, Gabbi Garcia, ug Sanya Lopez. Malakip sab niini sila si Zoren Legazpi, Rochelle Pangilinan, Michelle Dee, Arra Agustin, Kristoffer Martin ug Vin Abrenica.

Basta mama na

Gihulagway ni Anne Curtis nga dako na kaayo ang kausaban sa iyang kinabuhi sukad nga nahimo siyang inahan. Matud ni Anne tanan niyang pagabuhaton, naa gyud sa iyang hunahuna nga alang kini sa iyang anak nga si Dahlia. Magmatngon na sab matud pa siya og maayo sa iyang investments sanglit gihaguan matud pa niya kining tanan ug wala niya pamupua lamang gikan sa kahoy.

Welcome back!

Hingpit na gyud nga mahibalik sa ASAP Natin ‘To stage si Popstar Princess Sarah Geronimo karong Domingo. Kini suma mismo sa head writer sa maong ABS-CBN variety show nga si Darla Sauler pinaagi sa iyang gi-upload nga hulagway nilang duha ni Sarah niadtong Martes. Duha ka mga tuig nga wala motaak si Sarah sa ASAP stage.

Para ni Papa

Naghinamhinam na si Lovi Poe alang sa iyang musunod nga teleserye sa ABS-CBN nga mao ang “Batang Quiapo” nga pelikula sa iyang amahan nga si Fernando ‘Da King” Poe Jr. kaniadto. Matud ni Lovie, wala gyud siyay laing mahunahunaan nga haom nga team nga makauban alang sa iyang labing unang FPJ project kundili ang grupo ni Coco Martin nga maoy bida ug usa sa mga director niining maong teleserye. Post ni Lovi: "So this happened… Couldn’t think of a better team to work with on my first FPJ project. We’re very excited to do this adaptation of Batang Quiapo. Ibibigay namin ang lahat ng aming makakaya para sa lahat ng patuloy na tumatangkilik sa nagiisang Da King. This one’s for you, Papa.” Sunod tuig na mulugwa ang maong serye.