^
Trending sa Twitter

Trending sa Twitter

Sanden J. Anadia (Banat) - January 25, 2021 - 12:00am

CEBU, Philippines — Gikagobtan og maayo sa social media world ang pagsikad sa  Kapamilya  Sunday musical variety show nga  “ASAP Natin To”  sa TV5 kagahapon.

Trending sa Twitter ang hashtag nga #ASAPasONE .

Nasayran nga sa opening production number niini kagahapon, nilugwa dayon ang banggiitang singers nga sila si Martin Nieverra, Regine Velasquez , Ogie Alcasid ug uban pa.

Giingong nagpasabot kini nga mi-click dayon ang partnership sa ABS-CBN ug TV5. Makita usab kini sa Kapamilya Live, A2Z ug sa nagkadaiyang Kapamilya digital platforms.

Nag-prenup sa Ireland

Nag-shoot  didto sa Ireland alang sa ilang prenup photos ug video sila Glaiza de Castro  ug  David Rainey .

Suma pa sa aktres nga mahimo ra sila makagawas sulod sa lima ka kilometros gikan sa ilang giistaran.

Maayo nalang gani kay duna silay higala sa maong dapit nga ginganlan og Paul Doherty hinungdan nga naka-shoot gyud sila.

Pangandoy ni Mimiyuuuh

Target sa vlogger nga si Mimiyuuuh  nga kab-oton ang iyang pangandoy nga makaumol og kaugalingong clothing line. Iyang gitataw nga wala niya gi-pressure ang iyang kaugalingon sa pagka-karon. Gradwado si Mimiyuuuh sa kursong Fashion Design.

Nagbaha ang viewers

Gipistahan og taman sa viewers ang latest episode sa teleseryeng Probinsyano ni Coco Martin. Nasayran nga nakalangkat kini og kapin sa  80,000  live viewers sa YouTube, wala pay labot sa viewers sa Facebook Live niini.

Kataw-an na lang

Gibutyag ni Vice Ganda nga dali ra kaayo makahilak sauna ang iyang boyfriend nga si Ion Perez kun labayan  kini og makasakit nga mga pulong. Apan karon , kataw-an nalang ni Ion kun makadungog siya og mga isyu batok kaniya.

Gipikhan ang bashers

Sa dihang gipalugwa ang  teaser sa  Voltes V: Legacy sa  GMA Network, paspas usab kaayo nga nipagawas sa ilang mga sentimento ang mga kritiko niini. Dali ra usab kini nga gitubag sa Kapuso writer nga si SuzetteDoctolero. Gitambagan niya ang bashers nga sa dili pa magbida-bida, labing maayo nga tan-awon una ang anime version niini.

Nora magminaldita

Giangkon ni Nora Aunor nga karon pa siya nakasuway nga modaa isip maldita sa usa ka movie project nga nag-ulohan og “Kontrabida”.  Nagpanikad na ang beteranang aktres sa maong pelikula.

Andrew E nagkahupas

Aminado ang  actor-rapper nga si Andrew E nga nagkahupas na ang iyang popularidad ug nakadawat ra siya niini. Suma pa niya nga ingon niini gyud ang kinabuhi sa showbiz  nga dili gyud matag-an ang dangan sa panahon.

Gihangop  sa Kapamilya stars

Sa paglugwa ni  Janine Guttierez sa ASAP Natin ‘To kagahapon, giangkon sa aktres nga mura gyud siya og nagdamgo lang. Gi-welcome si Janine  sa Kapamilya stars atol sa maong episode sa ASAP. Sa wala pa nahimong Kapamilya si Janine, pipila ka tuig kini nga Kapuso. 

Proud Mama

Gipasigarbo og maayo  ni  Jaclyn Jose  ang iyang anak ni Andi Eigenmann gumikan kay kontento kaayo kini sa simpleng kinabuhi niini didto sa Siargao.  Maayo usab ang paghupot ni Andi sa kaugalingong pamilya niini.Kahinumdoman nga nakauyab si Andi  og surfer nga si  Philmar Alipayo ug nakabaton sila og anak.

Show nila ni Alex ug Billy tsugihon?

Niulbo karon ang hungihong nga  wagtangon na sa ere ang noontime show nila ni Billy Crawford ug Alex Gonzaga nga Lunch Out Loud sa TV5 gumikan kay matud pa wala kini mi-click. Nasayran nga puros nalang replay sa maong show ang gipagawas sa miaging mga adlaw.

Una na nga nawala sa ere ang laing show sa TV5 nga Sunday Noontime Live nga gilangkoban nila ni Piolo Pascual, Maja Salvador ug Catriona Gray.

TV5
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with