Nagsorry si Maris Racal sa typo error sa iyang tweet niadtong Lunes sa gabii sa iyang pag-promote sa iyang bag-ong show sa TV5 nga mao ang Stay In Love. Tweet ni Maris, “set your cocks”, imbes set your clocks ang iyang pasabot. Gi delete dayon ni Maris ang maong tweet apan may netizens nga abtik kaayo nga naka screenshot na niini. Nagsugod na ang maong romantic –comedy series kagabii.
Gikilig kaayo
Labihang dakoa og pahiyom ug gikilig og maayo si Zia Dantes pagka kita sa birthday greetings sa iyang idol nga si Sarah Geronimo. Ganahan gyud kaayo si Zia kang Sarah ug naghimo pa gani kini og Tala dance cover, hinungdan nga labihang lipaya sa anak nila ni Marian ug Dingdong pagpakita sa video greeting sa pop star. Fifth birthday ni Zia niadtong November 23.