Tungod sa pneumonia

CEBU, Philippines — Iza nalandig sa tambalanan

Nalandig sa tambalanan  ang Kapamilya actress nga si  Iza Calzado  gumikan sa pneumonia ug nagpaabot na usab siya sa resulta sa iyang pagpa-test sa COVID-19.

"I'm currently hospitalized for pneumonia and so, I was tested for COVID-19 and I've been waiting for the results for several days now," suma pa sa  Instagram post sa  aktres.

Bisan pa man sa kondisyon karon  ni Iza,  nigahin pa gyud siya og oras sa pagtimbaya sa mga frontliners nga wala gyu’y puas nga nagtrabaho  karong panahona.

"It’s been a challenging time for me but it cannot compare to the frontliners who have cared for me and to whom I am so grateful.My heart goes out to everyone in these trying times, especially those who risk their lives every day to care for their loved ones,” suma pa niya.

Nanawagan usab si Iza sa katawhan nga mag-ampo alang sa  pagpakgang sa pagkuyanap sa coronavirus.

“I am hoping you all can join me in prayer for those who are currently sick and their loved ones, for every person struggling to cope in these tough times.And most especially, for the medical workers who are doing their best despite the hurdles.

I count this time as an opportunity to be kind. To be a source of love and light.With the grace of God, I can fight this and we all fight this together,” dugang pa ni Iza.

Pipila sa mga artista nga nipakita og suporta ni Iza mao silang Martin Nievera, Sunshie Dizon, Karylle, Diana Zubiri, Judy Ann Santos, ug Jolina Magdangal.

Domingo Cobarrubias mipanaw na

Nipanaw  na ang beteranong actor   nga si  Domingo “Menggie” Cobarrubias gumikan sa  komplikasyon sa  pneumonia .

Sa edad nga 68,  nipanaw ang aktor kagahapon sa alas 8:20 sa buntag  sa usa ka tambalanan sa Alabang.

“Goodbye my love. Thank you for 30 wonderful years. I love you. Dear God please give me the strength to be able to face this very difficult moment of my life,” suma pa sa FB post sa iyang asawa nga si Gina Jorge Cobarrubias .

Samtang ang aktor nga si  Lui Quiambao Manansala nipadayag  nga nagpaabot sila sa  resulta sa COVID-19 test  sa nipanaw nga aktor.

JK dunay bag-ong album

Gisurpresa  ni  Juan Karlos Labajo ang iyang  fans pinaagi sa pag-release niya og bag-ong album sa miaging adlaw nga nag-ulohan og “Diwa”. .

Mao kini ang unang proyekto ni  Juan Karlos   sa  MCA Music, ug usa sa unod niini mao ang "Kalawakan"  nga iyang gisuwat alang sa  iyang  girlfriend nga si  Maureen Wroblewitz.

Duna pud siya’y  awit nga  nag-ulohan og "Sampaguita" ug kauban niya dinhi ang  rap icon  nga si Gloc-9.

Produlk si  Juan Karlos, sa  The Voice Kids Philippines niadtong 2014. Siya usab ang nagpasikat sa awit nga  "Buwan".