CEBU, Philippines – Nipadangat og makatandog nga mensahe si Angelica Panganiban ngadto sa iyang higala nga si Bea Alonzo kinsa co-star niya sa pelikulang. “Unbreakable.”
Gihatagan og gibug-aton ni Angelica ang ilang panaghigalaay nga wala gyud nahupas.
“Ilang araw na lang mula ngayon, makikilala na tayo ng mundo. Tinupad ng Diyos ang pangarap natin na, makatrabaho ang isa’t isa. Hindi man sa pinaka madaling paraan, pero nangyari. NANGYAYARI NA,” suma pa sa iyang IG post.
Makadaghan na nga higayon nga nag-uban sila si Bea ug Angelica sa proyekto.
Nagkauban sila kaniadto sa 2006 teleserye nga “Maging Sino Ka Man” nga gisundan sa romantic drama movie nga “All About Love”. Nahimo usab sila nga kabahin sa pelikulang “24/7 In Love.” Sa pelikulang “Unbreakable” , modala isip maghigala kun diin mag-atubang sila og hagit tungod sa gugma.
Gikumpara nila kini sa ilang sitwasyon karon kun diin lisod gub-on ang ilang panaghigalaay.
“Katulad na lang noon, na hindi tayo makapaghintay na makatrabaho ang isa’t isa, hindi rin tayo makapaghintay ngayon na makilala nila tayo. Sa hindi din nila inaasahang journey ng maturity na meron tayo ngayon.Hindi tayo maghihiwalay. Hindi tayo masisira. Kaibigan kita habang buhay. Walang makakasira satin. I love you mami bei [Bea Alonzo]. We got this,” dugang mensahe ni Angelica alang kang Bea.
Jin pasok sa pelikulang Damaso
Malakip ang Sugbuanon nga Bidaman grand winner nga si Jin Macapagal sa pelikulang “Damaso” nga modalit og bag-ong atake sa “Noli Me Tángere” ug “El Filibusterismo” ni Jose Rizal .
Makauban ni Jin sa maong proyekto sila si Ejay Falcon isip Elias ug Vina Morales isip Sisa.
Si Jin maoy modala sa karakter ni Crisostomo Ibarra.
Todo pangandam na si Jin sa maong proyekto ilabi na ang paglitok og mga pinulongang Tagalog.
Squad ni Sandara sa Pilipinas
Gisaulog ni Sandara Park dili pa lang dugay ang iyang 35th birthday dinhi sa Pilipinas kauban ang iyang co-finalists kaniadto sa “Star Circle Quest” nga sila si Raphael Martinez ug Joross Gamboa. Nitambong usab ang asawa ni Joross nga si Kathy Kimberly.
“It’s been more than 15years of friendship you know our wish for you,” suma pa sa IG post ni Joross.
Clarita ipasalida sa Vatican
Ipasalida sa Vatican ang pelikulang Clarita nga gibidahan ni Jodi Sta Maria alang sa 10th Mirabile Dictu - International Catholic Film Festival. Ang BlackSheep Entertainment maoy nagbutyag niini pinaagi sa ilang Facebook post.
Nominado usab ang direktor niini nga si Derick Carbrido alang sa Best Director Category.
Gituki sa maong pelikula ang istorya sa babaye nga gisikop sa mga pulis gumikan kay matud pa nasudlan matud pa og demonyo ang lawas niini.
Trabaho gihapon
Nagtrabaho gihapon si Dimples Romana atol sa iyang birthday niadtong November 12. Busy ang aktres sa taping sa Kapamilya afternoon series nga Kadenang Ginto. Gisurpresa si Dimples sa iyang higala nga si Angel Locsin sa set sa maong teleserye.
Init nga eksena
Gibutyag nila ni Joem Bascon ug Lovi Poe nga wala gyud nila damha ang grabe nga sexy scenes sa pelikula nila nga The Annulment. Suma pa sa duha nga nindot ang pagkagama sa pelikula sanglit duna gyu’y lig-ong istorya ang nagpahipi niini.
12 finalists
Gipaila na ang 12 finalists sa The Clash ug kini naglangkob nila ni Al Fritz, Aljon Gutierrez, Antonette, Clark Serafin, Janina Gonzales, Jennifer Maravilla, Jeremiah Tiangco, Lorraine Galvez, Nef Medina, Sassa Dagdag, Thea Astley ug Tombi Romulo.
Dili pa okay
Giangkon ni Janno Gibbs nga dili pa okay ang relasyon niya sa ABS-CBN. Nanghinaot ang singer nga magkauli sila niini. Kahinumdoman nga nibuhi og bati nga pulong si Janno sa maong network kaniadto.
Magpabilin sa GMA
Mi-renew sa iyang kontrata sa GMA-7 ang “Pepito Manaloto” star nga si John Feir. Nahimo siya nga Kapuso sukad niadtong 2003. “Masayang-masaya po ako at ilang taon na rin ako sa Artist Center at sa GMA,” suma pa niya.
Naghinam-hinam na
Gibutyag ni Daniel Padilla nga nagpanikad na siya og maayo sa upcoming project nila ni Kathryn Bernardo karong 2020. Malipayon usab siya sa sentimento sa KathNiel fans nga mopadangat gyud og hugot nga suporta sa maong proyekto sanglit gimingaw na sila sa tandem sa ilang mga idolo. Kahinumdoman nga gipares si Kathryn kang Alden Richards sa usa ka pelikula.
Gikinahanglan ang suporta
Kinahanglan og dakong suporta sa pamilya ug mga higala ang tawong dunay problema sa gugma. Kini maoy gibutyag sa singer-actress nga si Vina Morales. Matud pa niya nga usa kini sa pamaagi aron malikayan ang depresyon ilabi na sa millennials.
Adan
Ang beauty queen nga si Cindy Miranda ug aktres nga si Rhen Escaño maoy mga bida sa bag-ong dalit sa Viva Films nga Adan. “Pinaghirapan po namin lahat at sana makita po nila na hindi naman din po basta-basta lang ‘yung pelikula. May gusto po kaming iparating na mensahe sa lahat ng taong nagmamahalan, lalong lalo na po sa mga taga-LGBT community,“ suma pa ni Rhen.
Julia nagpakalig-on
Nabatyagan ni Julia Barretto nga mipalig-on og samot sa iyang pamilya ang mga kontrobersiya nga ilang naagian. Wala gyud siya nagpaapekto og maayo sa karambola sa iyang mga iyaan. Bilib siya sa iyang Mommy Marjorie ug sa iyang mga igsoun gumikan kay nagpalig-on gyud kini sa mga pagsulay nga ilang gisagobang.
Hilig ni Jessica
Mahiligon ang American Idol Season 11 runner-up Jessica Sanchez sa pagpa-kolor sa iyang buhok. Sa usa lang ka tuig, kapila na siya ka higayon nga mag-usab usab sa kolor sa iyang buhok. Gitataw hinuon sa singer nga duna siya’y gipangbuhat aron dili madaot ang iyang buhok.