The Ghosting
CEBU, Philippines — Nahimout pag-ayo ang mga himantayon sa pelikula nila ni Andrea Brillantes ug Khalil Ramos nga The Ghosting gumikan kay naka-timing kini sa paglugwa sa isyu sa breakup nila ni Bea Alonzo ug Gerald Anderson. Kahinumdoman nga nisikat ang termino nga ghosting nga matud pa maoy gibuhat ni Gerald kalabot sa kalit nga pagbiya niya kang Bea. Apan gitataw sa tagdumala sa maong pelikula nga usa kini ka horror busa layo ra kaayo kini sa maong isyu.
Nagkalami ang relasyon
Malipayon kaayo si Maja Salvador sa dagan sa relasyon nila ni Rambo Nuñez. Suma pa sa aktres nga wala gyud niya damha nga magbalik sila sa maong lalaki. Supportive matud pa sa ilang relasyon ang tagsa-tagsa nila nga pamilya.
Erich patagamon?
Napanglantawan karon sa mga tsismosa nga dako gyud ang posibilidad nga dili na makabaton si Erich Gonzales og dagkong proyekto sa ABS-CBN. Kahinumdoman nga niundang si Erich sa bag-ong teleserye nga Love Thy Woman. Nitumaw ang istorya nga nalain sa iyang gibuhat ang iyang mother network.
Pasok sa TIFF
Aktibo kaayo sa pagsalmot og mga international film festivals ang pelikulang Verdict ni Raymund Ribay Guttierez. Human gianunsyo ang pagkalakip niini sa Horizons (Orizzonti) section sa ika-76 nga Venice Film Festival, makabaton usab kini og Canadian premiere sa ika-44 nga Toronto International Film Festival (TIFF) sunod buwan.
Ganahan gyud sa Pilipinas
Wala gyud mahunom ang pagkisaw sa taho nga ang Pilipinas gihapon ang host country sa 68th edition sa Miss Universe karong November 2019. Kahinumdoman nga nakauyon og maayo sa atong nasud ang mga tagdumala sa maong indigay.
Mobalik na sa showbiz
Nitumaw karong ang tsika nga matud pa ganahan gyud nga maka-move on og dali si John Lloyd Cruz sa gidungog nga breakup nila ni Ellen Adarna. Nakaingon ang fans ni Lloydie nga dako ang posibilidad nga makabalik na sa showbiz ang aktor sulod karong tuiga .
Kausaban sa kinabuhi
Tsika pa ni Geoff Eigenmann nga dako gyud ang nahitabong kausaban sa iyang kinabuhi sukad naabot ang iyang mga anak. “They’re my angels. Sobrang my perspective in life has totally changed. I’m learning the world all over again through their eyes,” suma pa ni Geoff.
Kever sa bashers
Dili na tagdon ni Carlo Aquino ang iyang bashers gumikan kay dili kini makatampo sa iyang kalipay. Suma pa ni Carlo nga magmaya ang iyang bashers sa pagsige og panaway kaniya busa dili na kini angayan hatagan og pagtagad.
JoshLia gipakilig ang fans
Nagpares sa usa ka song number sa "ASAP Natin 'To" sa Amerika ang kanhi mag-uyab nga sila si Joshua Garcia ug Julia Barretto. Gipakilig sa duha ang mga audience nga todo abiba sa ilang performance. Gipakita sa duha nga wala sila maapektohan sa mga isyu nga ilang naagian. Una na nga nalambigit ang pangalan ni Julia sa breakup nila ni Bea Alonzo ug Grald Anderson.
Ahn Jae makig-divorce kang Khu Hye?
Gisumsoman karon ang balita kalabot sa nagtakilid nga istado sa Korean power couple nga sila si
Matud pa nga makig-divorce na si Ahn Jae ngadto kang Ku Hye. Ang duha nisikat sa Korean drama nga Blood niadtong 2015.
Kahinumdoman nga wala pa’y usa ka buwan ang nilabay human nag-divorce ang laing Korean stars nga sila si Song Joong-ki ug Song Hye-kyo.
- Latest