Tokyo, Japan—First and foremost, ang kaliwatan sa akong lolo sa mother’s side was Japanese. So, naay pagka hapon akong dagway. But nahugyaw ko kay pag-abot nako diri few days ago for my month-long vacation, nisamot man og ka hapon akong dagway gyud. Is this lukso ng dugo? Bitaw, pwede rako masaypan nga local. And I feel I belong here. Hahaha! Pakpak!
Shosa na this! Hahaha! But really, this is a very beautiful country. Una, init siya but dili sakit sa panit. Bugnaw iyang hangin.Mura ka’g naa sa Baguio, City. Nisubang ang adlaw apan igo ra ka masuwawan, di gyud ka malipong unlike diha sa atoa. And summer season na ron diri ha. By the way, Japan has four seasons:Winter, Spring, Summer, and Fall.
Japan is an hour ahead of us. So kun 12 noon diha, 1p.m. ron diri. Pero dili kay usa ka oras ra ilang labaw nato when it comes to development and discipline. No heavy traffic here. Dire-diretso ang dagan. That is because naa silay subway trains nga mga two-three levels going down. Tokyo is a reclamation development. Meaning, naa nana sa ilawom sa dagat ang subway. Ingon ana sila ka modern ug ka advance! It’s really a wow na wow! Pakpak!
Another wow is labihan ka disiplinado ang mga hapon uy. Maglinya gyud sila while maghuwat sa train. Walay musal-ot. Ang train is very paspas. Rapid gyud ang byahe. Perteng hugyawa! Dili magtabi ang mga hapon sulod sa train. Kun naa man gani mag-istorya ,very controlled ang tingog. Pero kasagaran gyud are minding their own business so to speak. Naay nagbasa. Naay nagtrabaho using their laptop and smartphones. Naa say natulog tawon kay gikan pa nanarbaho.
In Japan man gud, walay age limit. Bisag pila pay imong edad kun makaya pa nimo’g trabaho go lang ng go. And pwede ka mag sideline bisa’g pila pa ka buok kun makaya pa sa imong lawas. Mao na nga makatulog na lang sila sa train gumikan sa kakapoy. Naa say mamatay na lang tawon sa bisa’g naglingkod o sakay lang sa train. It’s because of overfatigue.
Mahugyaw ka sa mga hapon uy kay ultimo musakay sa escalator maglinya gyud. Wala juy musal-ot. Pero kun mulakaw ka while nagpatong ka sa escalator kay nagdali ka, dili na kinahanglan mulinya. Ang mag-steady ra should stay sa left side. Ingon ana sila diri.
And kini, unom ka buok basurahan sa kada balay ha. Layo ra kaayo nang atua diha nga malata ug dili malata kunohay nga dili pa gyud nato masunod tawon kay pataka lang gyud ta’g labay og basura. Diri kay lain ang basurahan sa burnable,(papers), non-burnable,(plastic wrappers), bottles and cans (kanang ma recycle pa), oversized garbage (furnitures, gadgets), non-flammable. Ingon ana sila ka limpyado ug disiplinado diri. Mag-chika pa ta more about Japan sa musunod nga mga Domingo samtang naa pa ko diri. Sayonara, (goodbye)!