Nganong nitikang si Liza Soberano sa Hong Kong?
CEBU, Philippines – Nitikang gyud si Liza Soberano sa Hongkong niadtong Miyerkules aron lang gyud motan-aw sa giidolo niya nga South Korean boy group nga BTS .
Sa iyang Instagram Stories, gipakita ni Liza ang pipila ka items sa BTS sa wala pa sugdi ang concert.
“I can’t believe I’m gonna see them in a bit “suma pa sa iyang IG post. Kauban niya sa pagtan-aw sa concert ang mga higala niya ug ang iyang uyab nga si Enrique Gil.
Gikatakdang mo-release og bag-ong album ang BTS sunod buwan. (Sanden J. Anadia)
Nag-date sa NY
Human sa Taiwan, nibakasyon napud sila si Maine Mendoza ug Arjo Atayde didto sa New York ug makita sa hulagway nga nag-enjoy og maayo ang mag-uyab.
Kahinumdoman nga nanglarga usab ang duha kaniadto sa Bali, Indonesia sa dihang wala pa nikisaw ang relasyon.
Giingong mahiligon na sila si Maine ug Arjo sa paglarga og laing nasud sa dihang dili pa sila uyab hinungdan nga dali ra gyud sila magkasinabot sa maong butang.
Giplanohan na
Gisugdan na karon ang pagplano sa follow-up movie nga pagaparesan nila ni Empoy Marquez ug Alessandra de Rossi. Kahinumdoman nga ni-click ang pelikula nila kaniadto nga Kita Kita niadtong 2017. Ang maong pelikula nikita og P300-M ug mao kini ang “highest grossing independent film of all time”.
Uyab ni Leila?
Ang singer nga si Curtismith maoy gidungog nga boyfriend sa anak ni Ogie Alcasid nga si Leila. Kahinumdoman nga nag-post si Leila sa Instagram og hulagway sa singer hinungdan nga naintriga og maayo niini ang iyang followers.
Cristine magminaldita
Kontrabida ang role ni Cristine Reyes sa pagbalik niya sa telebisyon. Malakip ang aktres sa seryeng Ngumiti Ang Langit nga magsugod na karong Lunes, March 25. Mao kini ang mohulip sa timeslot sa Playhouse.
Misikat og maayo
Dili na gyud mabangbang ang popularidad ni Rita Daniela ug giingong nikisaw siya og maayo sa dihang naumol ang loveteam nila ni Ken Chan sa teleseryeng My Special Tatay. Usa ka singer si Rita apan dili pud basta-basta ang talento niya sa pag-arte.
Excited sa resulta
Mosikad na karong Mayo ang upcoming teleseries nila ni Gabby Concepcion ug Jennylyn Mercado nga I Love You Two. Nagmalaumon ang duha nga mohangop ang publiko sa ilang tandem.
Between Maybes
Nagpanikad na sila si Julia Barretto ug Gerald Anderson sa pelikulang “Between Maybes” kun diin sila ang mga bida. Si Jason Paul Laxamana ang direktor sa maong pelikula. Sa Japan gihimo ang pipila ka mga eksena niini.
Alden sa Dear Uge
Si Alden Richards ang special guest sa Dear Uge karong Domingo. Mao kini ang Sunday comedy anthology ni Eugene Domingo sa GMA- 7. Giatngan og maayo sa fans ni Alden ang maong episode.
Andam na magpakasal
Giangkon ni KZ Tandingan nga bukas na siya sa ideya nga magpakasal sila ni TJ Monterde. Lima ka tuig na ang ilang relasyon busa nagkailhanay na sila og maayo sa usag-usa.
Inatiman gyud
Mapasalamaton kaayo si Rochelle Pangilinan sa iyang bana nga si Arthur Solinap gumikan ka todo gyud ang pag-atiman niini ngadto sa ilang anak. Matud pa ni Rochelle nga makonsiderar si Arthur nga regalo nga gikan sa kahitas-an.
Bag-ong tingog
Ang Sugbuanon nga singer nga si Golden Canedo mao na’y bag-ong nikanta sa themesong sa GMA drama anthology nga Magpakailanman. Kahinumdoman nga si Kyla ang nikanta niini kaniadto. Nitabok si Kyla sa ABS-CBN niadtong 2015.
- Latest