Horror movie ni Sharon

CEBU, Philippines – Nagsugod na ang shooting ni Mega Star Sharon Cuneta didto sa Baguio City alang sa iyang horror film para sa Reality Entertainment ni Dondon Monteverde.

Suma pa sa www.pep.ph, “Kwaresma” ang tentative title niining maong pelikula diin pares ni Sharon dinhi ang award-winning actor nga si John Arcilla.  Si Erik Matti ang direktor.

Apan nagdumili pa ang Reality Entertainment pagluwat og dugang detalye kabahin niini gumikan kay dugay pa ang showing. Wala matino kun mulugwa na ba kini sa mga sinehan sa dili pa ang kwaresma o kun matapos na ang holy week.

Ang detalye lang mao nga magdugay si Sharon didto sa Baguio ug nga labihan matud pa ka makahadlok ang balay nga ilang gigamit alang sa pelikula. Mga new stars sa Reality Entertainment ang mga co-stars nila ni Sharon ug John.

Human sa shooting, himuon sab matud pa ni Sharon ang iyang homecoming movie sa Vuva Films.