#WithIntegrity
Jaypee Pleños Lao (Banat) - December 7, 2018 - 12:00am

NAME: Josel B. Espina

 

Address:  Z3, San Isidro, Talisay City, Cebu

Birthday:  July 3, 1994

Facebook Account: Josel B. Espina

Email Add: espina.josel555@gmail.com

 

CEBU, Philippines — “Passion na gyud siguro nako ang pag make-up bisan sa una pa kay katung nag- college sad ko, murag dili man jud ko maka- focus og study kay ganahan ko mag makeup artist gyud. Siguro ang willingness gyud pod nako nga makat-on ani maoy naghatud naku dinhi. Sa pagkakaron, dako ang akong kalipay nga nahimo ko’ng ambassador sa airbrush, ang Luminess Air. Gi-consider sab nako nga greatest achievement katung time nga gikuha ko nga make up artist alang sa mga artista sa usa ka pelikula.”

Mao kini ang pagpabuhagay ni Josel Espina, usa ka make-up artist nga nagikan sa Dakbayan sa Talisay.

Walo ka tuig na siyang nahimong make-up artist ug sa maong kahigayunan, ubay ubay na nga mga kasinatian ang iyang  nagpamatuod kung unsa siya ka ligdong ug dekalidad nga tigpaanyag.

Daghan na sab nga mga personalidad sa Sugbo ang miagi sa pagkilatis sa iyang mga kamot.

Pipila sa iyang napaanyag mao silang Binibining Cebu 2017 Apriel Smith, Divine Smith sa Pinoy Big Brother ug 2017 Mutya ng Pilipinas- Asia Pacific Ilene de Vera.

Matud pa niya, ang pagpaanyag niya sa maong mga personalidad maoy usa sa gikonsidera niyang break sa iyang karera sanglit nakuha man niining mga tawhana ang dakong pagbilib sa iyang talento.

“Way back 2010 we had a cheerdance competition. Kami sa akong friends are the makeup artist that time sa mga dancers, didto nag- start tanan until nga ni -graduate ko. Sa pagka karon, gusto ko nga mahinumduman ko sa kadaghanan isip make up artist nga walay libog ug buotan,” saysay pa niya.

Gipaambit sab niya ang iyang dakong pag- idolo ngadto sa sikat nga Russian Make-up artist nga si Goar Avetisyan.

Usa matud pa sa dili  niya malimtan nga kasinatian mao ang higayun nga siya maoy nahimong make up artist sa usa ka Indian wedding.

Matud niya, nabantayan niya kung unsa gyud ka mga kutihan ang mga Indiana ug unsa sila ka detalyado sa pagpa make up.  Adunay pipila sab kanila nga matud pa mga istrikta.  Sagul kulba ug kahadlok ang iyang gibati niadtong tungura sanglit una siyang nakasugamak og ingun atong klase nga kliyente.

Tuod man, tungod sa gipakita niyang linahi nga abilidad sa pagpaanyag, nagmalampuson ra ang tanan.

Pagpadayun ni Josel, dakong gikatabang kaniya ang padayong referrals ug compliments gikan sa mga nahimo na niyang kliyente kaniadto.

Sangko sa langit ang iyang pagpasalamat sa tanang misalig kaniya.  Kay matud pa niya, kung dili tungod kanila, dili siya mamahimong maayo sa propesyun nga iyang gisudlan.

Apan gawas sa iyang pagka make up artist, mag choreograph sab siya’g mga sayaw sa mga nagkadaiyang tunghaan.  Mao kini ang butang nga makapa- busy sab kaniya kung ugaling makapahuway siya sa pagpaanyag.

Mapasalamaton siya sa gasa nga gihatag kaniya sanglit tungod niini, nakatagamtam siya ug ang iyang pamilya sa kaharuhay sa kinabuhi.

Q & A

BNH: Unsa may sekreto nimo nganung nagmalampuson ka karon sa imong gika hiligan?

JOSEL:  Being honest and having strong moral principles and being morally upright and knowing that you’re whole and undivided.

PASSION
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with