CEBU, Philippines — Trending kaayo karon ang mga hulagway nga kuha sa sikat nga photographer nga si BJ Pascual kinsa nitambong sa usa ka event sa Netflix didto sa Singapore sa miaging adlaw.
Nakahigayon ang maong photographer nga makakuha og hulagway sa sikat kaayo nga Korean stars ug gipasundog niini ang mga pose nga base sa posters sa pipila ka sikat nga Pinoy films.
Sama nalang nila ni Jung Chae-yeon , Do Bong Soon actor Kim Ji Soo, ug Jung Jin-young kinsa ni-pose nga susama sa poster sa pelikulang That Thing Called Tadhana nga gibidahan nila ni JM de Guzman ug Angelica Panganiban.
Ang maong tulo ka South Korean artists maoy mga bida sa upcoming coming-of-age romantic drama nga Because It's My First Love .
Gisundog usab nila ang hulagway sa poster sa pelikulang Everything About Her nga gibidahan nila ni Vilma Santos, Angel Locsin, ug Xian Lim.