CEBU, Philippines – Ang hugyaw nga lugar sa Dakbayan sa Lapu-Lapu ingon man usab ang gitara maoy pipila sa mahimong bida sa coronation night sa Miss Lapu-Lapu 2018 nga mahitabo karong November 20, 2018 sa alas 7 sa gabii diha sa Hoops Dome. Nagbaha sa maong dapit ang mga resort ingon man usab ang maabi-abihon nga mga residente nga dili gyud makalimtan sa mga bisita.
Matud pa sa project director sa maong pageant nga si Atty. Ethelbert B. Ouano nga matag bisita nga motikang sa Lapu-Lapu City seguradong magbalon kini og tam-is nga pahiyom sa higayon nga mouli na sila sa ilang tagsa-tagsa nga mga lugar.
Sa maong sitwasyon, makatabang gyud sa pag-promote niini ang mga kandidata sa Ms. Lapu-Lapu ug seguradong ipatigbabaw nila kini sa coronation night.
Mopainit usab og samot sa entablado atol sa maong indigay ang special guest nga si Tony Labrusca.
Nasayran nga naglawig gyud ang pangalan ni Tony karong panahona gumikan sa digital series nila ni Angel Aquino nga ‘Glorious.’ Gikuha sa mga organizer si Tony sanglit nakalugwa na kini kaniadto sa Kadaugan sa Mactan .
Gipaneguro sa mga tagdumala sa maong indigay nga malingaw gyud ang mosaksi niini ilabi na nga giila kini nga usa sa mga prestihiyosong indigay sa Sugbo nga giatngan gyud og maayo matag tuig.
Hugyaw nga mga production number ang usa sa mga atngan sa maong indigay.
Kagahapon ,gisugdan na ang pagpaila dinhi sa Banat News Hugyaw ang unang pito ka mga kandidata. Ania ang laing pito pa ka mga kandidata.
Miangkon na gyud
Giangkon na gyud ni Kim Chiu nga taod-taod na ang relasyon nila ni Xian Lim.
Gitataw hinuon sa aktres nga wala pa sa ilang huna-huna ang magpakasal gumikan kay busy pa sila sa ilang tagsa-tagsa ka mga career.
Ka-loveteam ni Kim si Xian kaniadto apan taod-taod na kini nga naputol human sila gipares sa laing mga artista.
Nagkapares sila kaniadto sa ABS-CBN primetime series nga My Binondo Girl niadtong 2011.
Nag-uban pud sila sa teleseryeng Ina, Kapatid, Anak (2012 ) ug The Story of Us (2016).
Ruru ug Bianca nagpaklaro na
Nikisaw ang tsika nga matud pa dunay relasyon sila si Bianca Umali ug Ruru Madrid human nasigpatan ang duha nga nanuroy sa Siargao dili palang dugay.
Makapila na usab ka higayon nga nakit-an ang duha nga nag-date ug sweet kaayo.
Kahinumdoman nga nigawas usab ang tsika sa miaging buwan nga nibakasyon sila sa Japan.
Ikaw na Anne!
Mapasigarbohong gibutyag sa direktor sa pelikulang Aurora nga si Yam Laranas nga wala gyu’y ka-double si Anne Curtis sa underwater scenes niini. Matud pa ni Direk Yam nga si Anne mismo ang nihangyo nga dili siya magpa-double gumikan kay andam kini mosagubang og mga lisod nga eksena.
Ikatawa na lang
Tsika pa ni Angel Locsin nga nagsige na lang og balik ang tsismis nga matud pa nagbuwag sila ni Neil Arce. Igo na lang siya mokatawa niini. Nahimout usab siya kang Neil kinsa wala maanad og tsismis. “Natatawa lang ako sa kanya kasi siguro hindi siya masyadong sanay na may gano’ng mga issue. Parang wala, wala akong reaction kasi hindi naman totoo, di ba?’ suma pa ni Angel.
Malinawong kinabuhi
Nakadayeg si Ria Atayde sa iyang igsoun nga si Arjo gumikan kay kalmado ra kaayo kini bisan paman nga gi-bash kini og maayo human sila nasigpatan nga nag-date ni Maine Mendoza. Matud pa niya nga dili gusto og samok si Arjo busa gipalapos ra sa dunggan ang mga pagsaway nga nahiagoman niini.
Misikat og samot
Nisugyot ang fans sa basketball star nga si Calvin Abueva nga mas maayo mosulod nalang sa showbiz ang ilang idolo gumikan kay nakabaton na kini og publicity. Nasayran nga kanunay mahisgotan ang pangalan ni Calvin sa It’s Showtime gumikan ni Vice Ganda. Una na nga gibutyag nila ni Calvin ug Vice nga soud lang gyud sila nga maghigala.
Victor manamilit na
Karong gabii na matapos ang primetime series sa GMA-7 nga Victor Magtanggol nga gibidahan ni Alden Richards. Sa Lake Caliray sa Laguna gihimo ang usa sa mga bug-at nga eksena sa maong pantaserye.
Gitinoud ni Kris
Ang business partner ni Kris Aquino nga si Nicko Falcis maoy gipasabot sa Queen of All Media nga nagmaniobra sa iyang kuwarta sa Kris Cojuangco Aquino Productions (KCAP). Gisang-at gyud ni Kris sa korte ang iyang reklamo aron mahatagan og hustisya ang pagkawala sa iyang kuwarta.
Mika mihimakak
Hugtanong gihimakak ni Mika dela Cruz nga siya ang rason sa breakup nila ni Nash Aguas ug Alexa Ilacad. Nasayran nga si Mika ang kasamtangang uyab ni Nash .. “Kasi matagal na silang break noong nagkita kami uli ni Nash,” suma pa ni Mika.
Sunod tuig ang target
Andam na ang Kapuso star nga si Solenn Heussaff nga makabaton sila og anak sa iyang bana nga si Nico Bolzico sunod tuig. Matud pa ni Solenn nga na-enjoy na sila og maayo sa ilang kinabuhi isip magtiayon busa panahon napud nga makahulma sila og liwat.